Josue 18:7 - Marahay na Bareta Biblia

⁷ Alagad an mga Levita dai mag-aako kan daga huli ta an kahirasan ninda iyo an maglingkod bilang mga padi nin Kagurangnan; dai na man hihirasan an mga tribu ni Gad, ni Ruben asin ni Manases sa sirangan huli ta nag-ako na sinda kan saindang daga sa sirangan kan Jordan na itinao sainda ni Moises, an sorogoon nin Kagurangnan.”

Josue 18:7 ပူးပေါင်းရင်းမြစ်များ

Mga Bilang 18:20

Tinaraman nin Kagurangnan si Aaron, “Dai ka magkakaigwa nin kahirasan asin kabtang sa daga kan mga Israelita. Ako, an Kagurangnan, iyo an saimong kahirasan, an saimong kabtang.”

Mga Bilang 18:23

Magpoon ngunyan, an mga Levita sana an mangangataman kan Tabernakulo asin sinda an masimbag sa anoman na mangyari sa Tabernakulo. Ini sarong pagsusundon na kukuyogon sagkod lamang kan saindang kapagarakian. An mga Levita dai magkakaigwa nin kahirasan sa banwaan nin Israel,

Mga Bilang 18:7

Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Deuteronomio 10:9

Kaya dai nag-ako nin kahirasan na daga an tribu ni Levi, bakong arog kan ibang tribu; an Kagurangnan iyo an saindang kahirasan, sosog sa ipinanuga sainda nin Kagurangnan na saindong Dios.)

Josue 12:6

An duwang hadeng ini dinaog ni Moises asin kan mga Israelita. An saindang daga itinao ni Moises, na sorogoon nin Kagurangnan, sa mga tribu ni Ruben, ni Gad asin sa kabanga kan tribu ni Manases, bilang pagsadiri ninda.

Josue 13:33

Alagad an tribu ni Levi dai tinawan ni Moises nin daga. Sinabihan niya sinda na an saindang pamana iyo an Kagurangnan, an Dios nin Israel.