Josue 18:6 - Marahay na Bareta Biblia

⁶ Isurat nindo an ngaran asin kamugtakan kan pitong parteng ini asin darahon nindo sako. Dangan riripahon ko iyan tanganing aramon an parteng boot nin Kagurangnan na saindong Dios para saindo.

Josue 18:6 ပူးပေါင်းရင်းမြစ်များ

Salmo 105:11

Nagtaram siya, “Itatao ko saimo an daga nin Canaan, bilang sadiri mong kahirasan.”

Mga Talinhaga 16:33

Nagsasapalaran an mga tawo sa pagsabot kan kabotan nin Dios, alagad an Dios mismo an nagtatao kan kasimbagan.

Mga Talinhaga 18:18

An pagsapalaran iyo an minatapos kan karibokan asin minahusay sa duwang makosog na magkaiwal.

Mga Bilang 33:54

Bangaon mo an daga sa manlaen-laen na tribu asin kamaganakan sa paagi nin pagripa. Tawan mo nin dakulang kahirasan an dakulang kamaganakan asin sadit na kahirasan an sadit na kamaganakan.

Mga Bilang 34:13

Kaya sinabihan ni Moises an mga Israelita, “Iyo ini an daga na mamanahon nindo sa paagi nin ripa, an dagang itinao nin Kagurangnan sa siyam may kabangang tribu.

Mga Gibo 13:19

Pakatapos niyang rumpagon an pitong nasyon sa Canaan, an saindang daga itinao niya sa mga Israelita bilang pamana, sa laog nin haros kwatro syentos singkwentang taon.

Josue 14:2

Siring sa ipinagboot nin Kagurangnan ki Moises, an daga kan siyam may kabangang tribu sa parteng solnopan kan Jordan pinagbaranga sa paagi nin pagripa.

Josue 18:10

Nagripa si Josue tanganing hapoton an Kagurangnan para sainda. Dangan an lambang saro kan natatadang mga tribu tinawan niya kan kahirasan na daga.

Josue 18:7

Alagad an mga Levita dai mag-aako kan daga huli ta an kahirasan ninda iyo an maglingkod bilang mga padi nin Kagurangnan; dai na man hihirasan an mga tribu ni Gad, ni Ruben asin ni Manases sa sirangan huli ta nag-ako na sinda kan saindang daga sa sirangan kan Jordan na itinao sainda ni Moises, an sorogoon nin Kagurangnan.”

Josue 18:8

Nagralakaw an mga lalaki tanganing gumibo nin mapa kan daga, pakatawan sainda ni Josue kaining mga togon, “Magduman kamo sa bilog na daga asin gumibo kamo nin mapa. Pakatapos bumalik kamo sako digdi sa Shilo, asin hahapoton ko an Kagurangnan para saindo sa paagi nin pagripa.”