Josue 18:3 - Marahay na Bareta Biblia

³ Kaya sinabihan ni Josue an mga Israelita, “Sagkod nuarin kamo maghahalat bago nindo laogon asin sakopon an dagang itinao saindo nin Kagurangnan na Dios kan saindong mga ginikanan?

Josue 18:3 ပူးပေါင်းရင်းမြစ်များ

Mga Talinhaga 10:4

An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 15:19

An dalan kan hugakon pano nin mga tonok, alagad an tinampo kan matanos mahiwas asin patag.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Sofonias 3:16

Maabot an panahon na sasabihan an Jerusalem, “Dai ka matakot, O syudad nin Sion! Pakosoga an saimong mga kamot!

Mateo 20:6

Kan mag-aalas singko na nin hapon, nagduman siya sa plasa asin nahiling niya an nagkapirang lalaking nag-iistambay. Hinapot niya sinda, ‘Tadaw ta maghapon sana kamong nagpaparatindog digdi?’

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Josue 1:6

Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Josue 13:1

Gurang nang marahay si Josue. Tinaraman siya nin Kagurangnan, “Gurang ka nang marahay alagad dakula pa an daga na sasakopon:

Josue 18:2

Igwa pa nin pitong tribu sa banwaan nin Israel na dai pa natatawan kan saindang kahirasan sa daga.

Josue 18:4

Tawe ako nindo nin tolong lalaki hale sa lambang tribu. Papadumanon ko sinda sa bilog na daga tanganing maggibo nin mapa kan lugar na boot nindang magin kahirasan. Dangan mabalik sinda sako.

Hukom 18:9

Nagsabi sinda, “Magayon asin matubang an daga duman, kaya dai kita magparahaloy digdi na mayong gibo. Madya asin salakayon ta sinda tanganing masadirihan ta an daga.