Josue 18:28 - Marahay na Bareta Biblia

²⁸ Zela, Haelef, Jebus, (o Jerusalem), Gibea, asin Kiriat-jearim: katorseng syudad gabos, kaiba an mga banwa sa palibot kan mga iyan. Iyo ini an daga na itinao bilang pamana sa mga pamilya kan tribu ni Benjamin.

Josue 18:28 ပူးပေါင်းရင်းမြစ်များ

2 Samuel 21:14

Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

2 Samuel 5:6

Dangan naglakaw si David asin an saiyang mga tawohan tanganing salakayon an Jerusalem. An mga Jebuseo, na nag-eerok duman, naghona na dai masasakop ni David an saindang syudad, kaya nagsabi sinda ki David, “Dai ka nanggad makakalaog digdi; pwedeng olangon an saimong paglaog maski kan mga buta asin kan mga pilay.” (

2 Samuel 5:8

Kan aldaw na idto, nagsabi si David sa saiyang mga tawohan, “An siisay man na boot gumadan kan mga Jebuseo, na ikinakaongis ko, kaipuhan mag-agi sa kanal kan tubig asin salakayon an mga pilay saka mga buta duman.” (Ini an dahelan kun tadaw ta sinabing, “Dai makakalaog sa harong nin Kagurangnan an mga buta asin an mga pilay.”)

1 Mga Cronica 8:28

Iyo ini an mga pamayo nin mga pamilya asin an nangongorog na kapagarakian na nag-erok sa Jerusalem.

Isaias 10:29

Nakalampas na sinda sa hayakpit na dalan asin sa Geba sinda nagpapalihis nin banggi! Nagkakatarakot an mga tawo sa banwaan nin Rama; nagdurulag na an mga tawo sa banwaan ni Hadeng Saul na iyo an Gibea.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Oseas 10:9

Nagsasabi an Kagurangnan, “Dai nag-ontok sa pagkasala an banwaan nin Israel laban sako poon pa kan magkasala sinda sa Gibea. Kaya aaboton sinda nin gera sa Gibea.

Mga Bilang 26:38

An mga kaayon sa tribu ni Benjamin iyo an mga kamaganakan ni Bela, ni Asbel, ni Ahiram,

Mga Bilang 26:54

Bangaon mo an daga sa paagi nin ripa; tawan mo nin dakulang kahirasan an dakulang tribu, asin nin sadit na kahirasan an sadit na tribu.”

Mga Bilang 33:54

Bangaon mo an daga sa manlaen-laen na tribu asin kamaganakan sa paagi nin pagripa. Tawan mo nin dakulang kahirasan an dakulang kamaganakan asin sadit na kahirasan an sadit na kamaganakan.

Josue 15:63

Alagad dai napahale kan banwaan nin Juda an mga Jebuseo na nag-eerok sa Jerusalem. Sagkod ngunyan duman sinda nag-erok kaiba an mga tawo na gikan sa tribu ni Juda.

Josue 15:8

dangan minatukad sa may Kapantayan nin Hinnom, na nasa habagat kan bulod na pinatindogan kan Jerusalem, an Jebuseong syudad. Dangan minadagos an pagdolonan sa alitoktok kan bulod na nasa solnopan kan Kapantayan nin Hinnom, sa amihan na poro kan Kapantayan nin Refaim.

Josue 18:16

Minaibaba ini pasiring sa pamitisan kan bukid na nakadungaw sa Kapantayan nin Hinnom, sa amihan na poro kan Kapantayan nin Refaim, dangan minapasiring sa habagat, na minaagi sa Kapantayan nin Hinnom, sa habagat kan tukadon kan mga Jebuseo, pasiring sa En-rogel.

Josue 18:27

Rekem, Irpeel, Tarala,

Josue 19:1

An ikaduwang kahirasan iyo an para sa mga pamilya kan tribu ni Simeon. An teritoryo ninda sagkod sa daga na itinao sa tribu ni Juda.

Hukom 1:21

Alagad dai pinahale sa Jerusalem kan tribu ni Benjamin an mga Jebuseo kaya padagos na nag-erok sinda duman sa kaibahan kan banwaan ni Benjamin.

Hukom 19:10

Alagad habo nang magpapugol an lalaki, kaya naglakaw na siya kaiba an kasaroan, an sorogoon asin an duwang asnong igwa nin kamadero. Nagbabanggi na pag-abot ninda sa lugar na harani sa Jebus (o Jerusalem), kaya nagsabi an sorogoon sa saiyang amo, “Digdi na ngona kita magpaaga sa syudad na ini kan mga Jebuseo.”

1 Samuel 10:26

Nagpuli man si Saul sa harong niya sa Gibea, asin inibahan siya nin nagkapirang maiisog na lalaki na an mga puso hiniro nin Dios.