Josue 18:16 - Marahay na Bareta Biblia

¹⁶ Minaibaba ini pasiring sa pamitisan kan bukid na nakadungaw sa Kapantayan nin Hinnom, sa amihan na poro kan Kapantayan nin Refaim, dangan minapasiring sa habagat, na minaagi sa Kapantayan nin Hinnom, sa habagat kan tukadon kan mga Jebuseo, pasiring sa En-rogel.

Josue 18:16 ပူးပေါင်းရင်းမြစ်များ

2 Samuel 17:17

Naghahalat si Jonatan na aking lalaki ni Abiatar asin si Ahimaaz na aking lalaki ni Zadok sa burabod sa Enrogel, huli ta habo nindang mahiling sa laog kan syudad. Sarong sorogoon na babae an danay na minaduman asin minaosip sainda kan nangyayari, dangan sinda an minaduman ki Hadeng David saka minaosip saiya.

2 Samuel 5:18

Nag-abot an mga Filisteo asin naglakop sinda sa Kapantayan nin Refaim.

1 Mga Hade 1:9

Sarong aldaw, nagbuno si Adonias nin mga karnero, mga torong baka asin mga pinatabang torilyong baka duman sa Gapo nin Halas, harani sa burabod nin Enrogel. Inalok niya sa saiyang bangkete an ibang aking lalaki ni Hadeng David asin an gabos na opisyal nin Juda.

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

1 Mga Cronica 14:9

Nag-abot an mga Filisteo asin bigla nindang sinalakay an Kapantayan nin Refaim.

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Jeremias 19:11

asin sabihan sinda na nagtaram an Kagurangnan nin mga hukbo, “Papasaon ko an mga tawo saka an syudad na ini, asin makakaarog sinda sa pasang tapayan na ini na dai na mabibilog giraray. An mga gadan ilulubong maski sa Tofet huli ta mayo na nin ibang lugar na pwedeng paglubongan sinda.

Jeremias 19:2

dangan ipag-iba sinda sa Kapantayan nin Hinnom, pakaluwas sa Trangkahan kan Paragibo nin Koron. Ipapahayag ko duman an mensahe na itatao niya sako.

Jeremias 19:6

Kaya maabot an panahon na dai na aapodon Tofet o Kapantayan nin Hinnom an lugar na ini. Embes kaiyan, aapodon ining Kapantayan na Pinaggagadanan.

Jeremias 32:35

Naggibo sinda nin mga altar ki Baal sa Kapantayan nin Hinnom, tanganing idolot sa dios-dios na si Molec an saindang mga aking lalaki saka babae. Dai ako nagboot ni nag-isip na ipagibo sainda an siring na bagay asin papagkasalaon an mga taga Juda.”

Josue 15:63

Alagad dai napahale kan banwaan nin Juda an mga Jebuseo na nag-eerok sa Jerusalem. Sagkod ngunyan duman sinda nag-erok kaiba an mga tawo na gikan sa tribu ni Juda.

Josue 18:28

Zela, Haelef, Jebus, (o Jerusalem), Gibea, asin Kiriat-jearim: katorseng syudad gabos, kaiba an mga banwa sa palibot kan mga iyan. Iyo ini an daga na itinao bilang pamana sa mga pamilya kan tribu ni Benjamin.

Hukom 1:21

Alagad dai pinahale sa Jerusalem kan tribu ni Benjamin an mga Jebuseo kaya padagos na nag-erok sinda duman sa kaibahan kan banwaan ni Benjamin.

Hukom 1:8

Sinalakay kan mga lalaki sa tribu ni Juda an Jerusalem dangan sinakop. Ginaradan ninda an mga tawo duman dangan sinulo an syudad.

Hukom 19:10

Alagad habo nang magpapugol an lalaki, kaya naglakaw na siya kaiba an kasaroan, an sorogoon asin an duwang asnong igwa nin kamadero. Nagbabanggi na pag-abot ninda sa lugar na harani sa Jebus (o Jerusalem), kaya nagsabi an sorogoon sa saiyang amo, “Digdi na ngona kita magpaaga sa syudad na ini kan mga Jebuseo.”