Josue 18:14 - Marahay na Bareta Biblia

¹⁴ Dangan minaliwat nin direksyon an pagdolonan, minaliko sa habagat hale sa solnopan kan bukid asin minaduman sa Kiriat-baal (o Kiriat-jearim), na sakop kan tribu ni Juda. Iyo ini an pagdolonan sa solnopan.

Josue 18:14 ပူးပေါင်းရင်းမြစ်များ

2 Samuel 6:2

Pinangenotan niya sinda pasiring sa Baala sa Juda, tanganing kuahon duman an Kaban nin Tipan nin Dios, na inapod sa ngaran kan Makakamhan na Kagurangnan, na nagtutukaw sa trono sa ibabaw kan mga kerubin.

Josue 15:60

Kairiba man an Kiriat-baal (o Kiriat-jearim) asin an Rabba: duwang syudad, kaiba an mga banwa sa palibot kan mga iyan.

Josue 15:9

Hale duman, minadagos iyan sa mga burabod nin Neftoa asin sa mga syudad na harani sa Bukid nin Efron. Dangan minaliko iyan pasiring sa Baala (o Kiriat-jearim),

Josue 18:13

Dangan an pagdolonan minapasiring sa tukadon na nasa habagat na parte kan Luz (inapod man Betel), dangan minaibaba sa Atarot Addar, sa bukid na nasa habagat kan Ibabang Bet-horon.

Josue 18:15

Sa habagat, an pagdolonan minapoon sa gilid kan Kiriat-jearim asin minapasiring sa mga burabod nin Neftoa.

Josue 9:17

Kaya nagralakaw an mga Israelita asin pakalihis nin tolong aldaw, nakaabot sinda sa mga syudad na pinag-eerokan kan mga tawong idto: sa Gibeon, Kefira, Beerot asin Kiriat-jearim.

1 Samuel 13:18

an saro nagpasiring sa Bet-horon, asin an saro nagpasiring sa pagdolonan na minadungaw sa kapantayan nin Zeboiim asin sa kalangtadan.