Josue 18:12 - Marahay na Bareta Biblia

¹² Sa parteng amihan, an pagdolonan ninda minapoon sa Salog nin Jordan dangan minatukad pasiring sa amihan nin Jerico; sa solnopan, lampas ini sa mabulod na daga asin sagkod sa kalangtadan nin Bet-aven.

Josue 18:12 ပူးပေါင်းရင်းမြစ်များ

Oseas 10:5

Matatakot saka mamomondo an mga tawong nag-eerok sa syudad nin Samaria huli sa pagkawara kan bulawan na baka sa Bet-aven. An pagkawarang iyan pagtatangisan kan mga tawo saka kan mga padi na naglilingkod sa dios-dios na idto. Maghahaya sinda sa panahon na halean na kan saiyang kamurawayan an bulawan na torong baka.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Oseas 5:8

Huyopa an trompeta nin gera sa Gibea! Patanoga an alarma sa Rama! Ipahayag an pakigera sa Bet-aven! Sa pakigera, mga lalaki nin Benjamin!

Josue 16:1

An pagdolonan sa habagat kan dagang itinao sa kapagarakian ni Jose minapoon sa Jordan harani sa Jerico, sa sirangan kan mga burabod nin Jerico, asin minaabot sa kalangtadan. Hale sa Jerico, minatukad an pagdolonan sa mabulod na daga sagkod sa Betel.

Josue 18:11

An daga na manongod sa mga pamilya kan tribu ni Benjamin iyo an enot na itinao. An saindang daga nasa tahaw kan mga daga kan tribu ni Juda saka ni Jose.

Josue 2:1

Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 3:16

nag-ontok sa pagbulos an tubig asin nagtambak sa harayong lugar, duman sa Adam, an syudad na kataed kan Zaretan. Nag-ontok sa pagbulos paibaba an tubig na pasiring sa Gadan na Dagat, asin nakabalyo harani sa Jerico an mga tawo.

Josue 6:1

Danay na serado asin may bantay an mga trangkahan nin Jerico tanganing dai makalaog an mga Israelita. Mayo nin nakakalaog o nakakaluwas sa syudad.

Josue 7:2

Nagsugo si Josue nin nagkapirang lalaki hale sa Jerico tanganing siyasaton an Ai, sarong syudad sa sirangan kan Betel asin harani sa Bet-aven. Kan magibo ninda ini

Josue 8:15

Nagsagin-sagin na nagdudulag si Josue asin an saiyang mga tawohan dangan nagdalagan sinda pasiring sa kalangtadan.

1 Samuel 13:5

Nagtiripon an mga Filisteo tanganing labanan an mga Israelita; igwa sindang treynta mil na karwaheng panggera, anom na ribo na parakabayo, asin mga soldados na siring kadakul kan mga baybay sa tampi kan dagat. Nagduruman sinda sa Micmas, sa sirangan kan Bet-aven, asin duman nagkampo.