Josue 18:10 - Marahay na Bareta Biblia

¹⁰ Nagripa si Josue tanganing hapoton an Kagurangnan para sainda. Dangan an lambang saro kan natatadang mga tribu tinawan niya kan kahirasan na daga.

Josue 18:10 ပူးပေါင်းရင်းမြစ်များ

1 Mga Cronica 24:5

Huli ta anas igwa nin mga opisyal kan templo saka mga opisyal nin Dios an kapagarakian ni Eleazar asin ni Itamar, an pag-organisar sainda ginibo sa paagi nin ripa.

Nehemias 11:1

Nag-erok sa Jerusalem an mga lider kan banwaan, asin an iba nagripa tanganing magpili nin sarong pamilya, sa lambang grupo nin sampolong pamilya, na iyo an maerok sa banal na syudad nin Jerusalem, mantang an siyam na pamilya na dai napili duman maerok sa ibang mga syudad saka banwa.

Salmo 47:4

An satong pamana pinili niya para sato, an orgulyo ni Jacob na saiyang namomotan.

Salmo 61:5

O Dios, an sakuyang mga panuga nadangog mo; itinao mo sako an pamana kan mga may pagkatakot saimo.

Mga Talinhaga 18:18

An pagsapalaran iyo an minatapos kan karibokan asin minahusay sa duwang makosog na magkaiwal.

Jeremias 7:12

Dumuman kamo sa Shilo, an lugar na enot kong pinili tanganing duman ako nindo sambahon, asin hilingon nindo an ginibo ko sa lugar na idto huli kan mga kasalan kan sakong banwaan na Israel.

Ezekiel 47:22

Babangaon nindo an pamanang iyan para sa saindo asin para sa mga dayuhan na nag-eerok sa kaibahan nindo, mga dayuhan na nagkaigwa na nin mga aki mantang nag-eerok sa kaibahan nindo. Tatrataron nindo sinda bilang mga tunay na Israelita, asin hirasan nindo sinda kan pamanang daga kaiba kan mga tribu nin Israel.

Ezekiel 48:29

Nagtaram an Kagurangnan Dios, “Iyan an pagbanga na gigibohon nindo sa daga para sa mga tribu nin Israel.”

Mikas 2:5

Kaya pag-abot kan panahon na ibalik na an daga sa banwaan nin Kagurangnan, mayo kamong makukuang kahirasan.

Mga Bilang 34:16

Nagtaram an Kagurangnan ki Moises,

Mateo 27:35

Pakapakoan ninda ki Jesus sa krus, pinagbaranga ninda an mga gubing niya sa paagi nin ripa.

Juan 17:2

Huli ta tinawan mo an Aki nin kapangyarihan sa gabos na tawo, tanganing magtao nin buhay na daing kataposan sa gabos na itinao mo saiya.

Mga Gibo 13:19

Pakatapos niyang rumpagon an pitong nasyon sa Canaan, an saindang daga itinao niya sa mga Israelita bilang pamana, sa laog nin haros kwatro syentos singkwentang taon.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Josue 14:2

Siring sa ipinagboot nin Kagurangnan ki Moises, an daga kan siyam may kabangang tribu sa parteng solnopan kan Jordan pinagbaranga sa paagi nin pagripa.

Josue 14:5

Binanga kan mga Israelita an daga siring sa ipinagboot nin Kagurangnan ki Moises.

Josue 18:11

An daga na manongod sa mga pamilya kan tribu ni Benjamin iyo an enot na itinao. An saindang daga nasa tahaw kan mga daga kan tribu ni Juda saka ni Jose.

Josue 18:6

Isurat nindo an ngaran asin kamugtakan kan pitong parteng ini asin darahon nindo sako. Dangan riripahon ko iyan tanganing aramon an parteng boot nin Kagurangnan na saindong Dios para saindo.

Josue 18:8

Nagralakaw an mga lalaki tanganing gumibo nin mapa kan daga, pakatawan sainda ni Josue kaining mga togon, “Magduman kamo sa bilog na daga asin gumibo kamo nin mapa. Pakatapos bumalik kamo sako digdi sa Shilo, asin hahapoton ko an Kagurangnan para saindo sa paagi nin pagripa.”

Josue 18:9

Kaya linibot ninda an bilog na daga asin isinurat kun paano an pagbanga ninda kaiyan sa pitong parte; ilinista ninda an mga banwa. Dangan nagbalik sinda ki Josue duman sa kampo sa Shilo.

Josue 19:51

An paghiras kan daga ginibo ni Eleazar na padi, ni Josue na aki ni Nun, asin kan mga lider kan mga pamilya kan mga tribu nin Israel sa paagi nin pagripa. Ginibo ninda ini sa Shilo, sa atubang nin Kagurangnan, sa may pintoan kan Tabernakulo. Sa paaging ini natapos ninda an paghiras kan daga.

Josue 23:4

Itinao ko na saindo bilang pamana kan saindong mga tribu an mga dagang dai pa nasasakop, siring man an gabos na daga kan mga banwaan na nasakop ko na, magpoon sa Salog nin Jordan sa parteng sirangan sagkod sa Dagat nin Mediteraneo sa parteng solnopan.