Josue 18:1 - Marahay na Bareta Biblia

¹ Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 18:1 ပူးပေါင်းရင်းမြစ်များ

2 Samuel 7:6

Magpoon kan iluwas ko sa Egipto an Israel sagkod ngunyan, dai pa lamang ako nag-erok sa sarong harong; danay na nag-erok ako sa mga tolda, hale sa sarong lugar pasiring sa iba.

1 Mga Hade 14:2

Sinabihan ni Jeroboam an saiyang agom, “Magsagin-sagin kang bako kong agom tanganing dai nin makamidbid saimo, asin magduman ka sa Shilo. Magduman ka ki Ahias, an propetang nagsabi na magigin hade ako sa Israel.

1 Mga Hade 14:4

Kaya nagduman an agom ni Jeroboam sa harong ni Ahias sa Shilo. Dai na nakakahiling si Ahias huli ta gurang na siyang marahay.

1 Mga Hade 2:27

Kaya hinale ni Solomon si Abiatar sa paglingkod bilang sarong padi nin Kagurangnan. Huli kaini, nagkatotoo an itinaram nin Kagurangnan duman sa Shilo manongod sa padi na si Eli asin sa saiyang mga kapagarakian.

Nehemias 9:24

Sinakop ninda an daga nin Canaan; dinaog mo an banwaan na nag-erok duman. An saimong banwaan tinawan mo nin kapangyarihan na gibohon an boot ninda sa mga hade saka mga banwaan nin Canaan.

Salmo 78:60

Binayaan niya an saiyang tolda sa Shilo, an tolda na saiyang pinag-erokan kaiba kan mga tawo.

Salmo 78:66

Pinasibog niya an saiyang mga kaiwal; sinopog niya sinda sagkod lamang.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 26:9

Tadaw ta nagsabi ka sa ngaran nin Kagurangnan na an Templong ini makakaarog sa Shilo, na raraoton an syudad na ini saka mayo nin mag-eerok digdi?” Dangan pinalibotan ako kan mga tawo.

Jeremias 41:5

otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Mga Bilang 32:22

asin masadirihan an daga. Pakatapos kaiyan, pwede na kamong magpuli, huli ta naotob na nindo an saindong katongdan sa Kagurangnan asin sa saindong kapwa Israelita. Dangan mimidbidon nin Kagurangnan na an dagang ini sa sirangan nin Jordan kahirasan nindo.

Mga Gibo 7:45

Minana idto kan satong mga ginikanan, dinara sa daga na kinua ninda sa mga tawong ipinadaog nin Dios sa pangengenot ni Josue. Nagdanay iyan duman sagkod sa panahon ni David

Josue 18:2

Igwa pa nin pitong tribu sa banwaan nin Israel na dai pa natatawan kan saindang kahirasan sa daga.

Josue 18:8

Nagralakaw an mga lalaki tanganing gumibo nin mapa kan daga, pakatawan sainda ni Josue kaining mga togon, “Magduman kamo sa bilog na daga asin gumibo kamo nin mapa. Pakatapos bumalik kamo sako digdi sa Shilo, asin hahapoton ko an Kagurangnan para saindo sa paagi nin pagripa.”

Josue 19:51

An paghiras kan daga ginibo ni Eleazar na padi, ni Josue na aki ni Nun, asin kan mga lider kan mga pamilya kan mga tribu nin Israel sa paagi nin pagripa. Ginibo ninda ini sa Shilo, sa atubang nin Kagurangnan, sa may pintoan kan Tabernakulo. Sa paaging ini natapos ninda an paghiras kan daga.

Josue 21:2

Nagsabi sinda sainda duman sa Shilo, sa daga nin Canaan, “Nagboot an Kagurangnan huli ki Moises na tawan kami nin mga syudad na eerokan, siring man nin mga dagang pasabsaban para sa samong mga hayop.”

Josue 22:12

Kan madangog ini kan mga Israelita, nagtiripon sinda gabos sa Shilo tanganing labanan an mga tribu sa sirangan.

Josue 22:19

Ngunyan, kun an saindong daga bakong maninigo na pagsambahan saiya, bumalyo kamo sa daga nin Kagurangnan saen nakatugdok an saiyang Tabernakulo. Kumua kamo nin daga sa samong pagsadiri. Alagad dai kamo magtumang sa Kagurangnan asin dai man nindo kami paggibohon na matumang, huli sa pagpatindog nindo nin altar bilang dagdag sa altar nin Kagurangnan na satong Dios.

Josue 22:9

Kaya nagpuli an mga tribu ni Ruben, Gad, asin an kabangang tribu ni Manases. An ibang Israelita binayaan ninda sa Shilo, sa daga nin Canaan, asin nagbalik sinda sa sadiri nindang daga, sa daga nin Gilead na nagin kahirasan ninda siring sa ipinagboot nin Kagurangnan sa paagi ni Moises.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

Hukom 21:12

Nakakua sinda sa Jabes nin apat na gatos na birhen asin dinara ninda sinda sa kampo sa Shilo na yaon sa Canaan.

Hukom 21:19

Dangan nagsabi sinda, “Harani na an taonan na pagselebrar kan pyesta nin Kagurangnan sa Shilo.” (An Shilo nasa amihan kan Betel, sa habagat nin Lebona, asin sa sirangan kan dalan sa pagultanan kan Betel asin Shekem.)

1 Samuel 1:24

Kan mabutas na an aki, dinara siya ni Hanna sa Shilo. Nagdara man siya nin sarong lalaking baka na tolong taon an edad, sampolong kilong arina asin sarong lalagan na anit na pano nin arak. Si Samuel, na aki pang marahay, dinara niya sa harong nin Kagurangnan sa Shilo.

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.