Josue 17:2 - Marahay na Bareta Biblia

² An daga sa solnopan kan Jordan itinao sa natadang mga pamilya kan tribu ni Manases na iyo si Abiezer, Helek, Asriel, Shekem, Hefer, asin Semida. Sinda an mga aking lalaki ni Manases na aki ni Jose; mga pamayo sinda nin mga pamilya.

Josue 17:2 ပူးပေါင်းရင်းမြစ်များ

1 Mga Cronica 7:18

An Tugang na babae ni Gilead na si Hammoleket nagkaigwa nin tolong aking lalaki na iyo si Isod, Abiezer, asin Mala. (

Josue 17:1

Sarong parte kan daga sa solnopan kan Jordan an itinao sa nagkapirang pamilya na gikan ki Manases, an matuang aki ni Jose. An Gilead asin an Basan sa sirangan kan Jordan itinao ki Makir na aking matua ni Manases asin ama ni Gilead, huli ta si Makir sarong lalaking paralaban.

Josue 17:3

Alagad mayo nin aking lalaki si Zelofehad na aki ni Hefer, asin makoapo ni Gilead na aki ni Makir saka makoapo ni Manases. Babae gabos an aki niya asin an ngaran ninda iyo si Mala, Noe, Hogla, Milca, asin Tirza.

Hukom 6:11

Dangan uminabot sa Ofra an anghel nin Kagurangnan asin tuminukaw sa lindong kan sarong kahoy na hamurawon na sadiri ni Joas, saro sa mga kamaganakan ni Abiezer. An saiyang aking lalaki na si Gideon hilom na naggiginik nin trigo duman sa pugaan nin ubas tanganing dai siya mahiling kan mga Midianita.

Hukom 8:2

Sinimbag niya sinda, “Dai ko ikakabaing sa saindong ginibo an sakong ginibo. An dikit na ginibo nindong mga kalalakihan nin Efraim orog pang mahalaga ki sa ginibo kan bilog kong kamaganakan.