Josue 17:16 - Marahay na Bareta Biblia

¹⁶ Nagsimbag sinda, “Dai magkakanigo para samo an mabulod na daga, alagad igwa nin mga karwaheng lansang an mga Cananeo na nag-eerok sa kapatagan; igwa man an mga nag-eerok sa Bet-sean asin sa mga banwa sa palibot kaiyan, siring man an mga nag-eerok sa Kapantayan nin Jezreel.”

Josue 17:16 ပူးပေါင်းရင်းမြစ်များ

1 Mga Hade 18:45

Dai nahaloy nagdiklom an langit huli sa panganoron; naghuyop an doros asin naghulog an makosog na uran. Naglunad si Ahab sa saiyang karwahe asin nagbalik sa Jezreel.

1 Mga Hade 18:46

An kapangyarihan kan Kagurangnan duminatong ki Elias; kinaluskos niya an saiyang gubing, ibinugkos sa saiyang habayan dangan nagdalagan; naenotan niya si Ahab sa pag-abot sa palaog kan Jezreel.

1 Mga Hade 21:1

Harani sa palasyo ni Hadeng Ahab sa Jezreel igwa nin sarong ubasan na sadiri nin sarong lalaki na an ngaran Nabot.

1 Mga Hade 21:23

Asin manongod ki Jezebel, an Kagurangnan nagtataram na kakakanon si Jezebel kan mga ayam sa laog kan syudad nin Jezreel.

1 Mga Hade 4:12

Baana, na aking lalaki ni Ahilud: an mga syudad nin Taanac, Megido, asin an bilog na rehiyon harani sa Bet-sean, na harani sa banwa nin Zaretan, sa parteng habagat kan banwa nin Jezreel, sagkod sa syudad nin Abel-mehola asin sa syudad nin Jokmeam

2 Mga Hade 9:10

Si Jezebel kakakanon kan mga ayam sa daga kan Jezreel asin mayo nin malubong saiya.’” Pakasabi kaini, nagluwas siya sa kwarto asin nagdulag.

2 Mga Hade 9:37

An saiyang bangkay mawawarak duman na garo odo, tanganing mayo nin makamidbid saiya.’”

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Josue 15:56

Jezreel, Jokdeam, Zanoa,

Josue 17:11

Sa laog kan daga ni Issakar asin ni Asher, nasadirihan ni Manases an mga syudad kan Bet-sean asin Ibleam, kaiba an mga banwa sa palibot kan mga iyan, siring man an Dor (an nasa baybayon), Endor, Taanac, Megido, asin an mga banwa sa palibot kan mga iyan.

Josue 17:15

Nagsimbag si Josue, “Kun dakul na kamong marahay asin sadit na para saindo an mabulod na daga ni Efraim, magduman kamo sa kadlagan asin hawanan nindo para saindo an daga kan mga Perezeo saka kan mga Refaim.”

Josue 17:17

Sinabihan ni Josue an mga tribu ni Efraim asin ni Manases sa solnopan, “Dakul na mananggad kamo asin mapangyari. Magkakaigwa kamo nin sobra sa sarong kahirasan.

Josue 17:18

Mapapasaindo an mabulod na daga. Maski iyan sarong kadlagan, hahawanan nindo asin sasadirihon iyan magpoon sa sarong poro sagkod sa ibong na poro. Papahaleon nindo an mga Cananeo maski igwa sinda nin mga karwaheng lansang asin maski makokosog sinda.”

Josue 19:18

Sakop kan saindang daga an Jezreel, Kesullot, Sunem,

Hukom 4:13

tinipon niya an gabos niyang tawohan asin an siyam na gatos na karwaheng gibo sa lansang, dangan hale sa Haroset-hagoiim, pinaduman niya sinda sa Salog nin Kison.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.

Hukom 6:33

Dangan nagtiripon an gabos na Midianita, Amalekita asin an mga tribung nag-eerok sa desyerto, nagbalyo sa Salog nin Jordan saka nagkampo sa Kapantayan nin Jezreel.

1 Samuel 29:1

Tiniripon sa Afek kan mga Filisteo an gabos nindang hukbo, mantang an mga Israelita nagkampo sa may burabod nin Jezreel.