Josue 17:14 - Marahay na Bareta Biblia

¹⁴ Nagsabi ki Josue an mga kapagarakian ni Jose, “Tano ta sarong parte sana kan daga an itinao mo samo bilang pamana? Kadakul mi nang marahay huli ta benendisyonan kami nin Kagurangnan.”

Josue 17:14 ပူးပေါင်းရင်းမြစ်များ

Genesis 48:19

Alagad nagsayuma an saiyang ama, na nagsabing, “Aram ko, aki ko, aram ko. Magigin sarong dakulang banwaan man si Manases. Alagad orog na magigin dakula an ngohod niyang tugang, asin an saiyang mga kapagarakian magigin dakulang mga nasyon.”

Genesis 48:20

Kaya kan aldaw na idto, benendisyonan niya sinda na nagsabi, “Gagamiton kan mga Israelita an saindong mga ngaran kun sinda mabendisyon. Masabi sinda, ‘Gibohon ka logod nin Dios siring ki Efraim saka ki Manases.’” Sa paaging ini pinaenot ni Jacob si Efraim ki Manases.

Genesis 48:22

Itatao ko saimo, asin bako sa mga tugang mo, an Shekem, an matubang na daga na sakong kinua sa mga Amoreo sa paagi kan sakong espada asin pana.”

Ezekiel 48:5

Kadolonan kan daga ni Manases, magpoon sa sirangan sagkod sa solnopan, iyo an kahirasan ni Efraim.

Mga Bilang 26:54

Bangaon mo an daga sa paagi nin ripa; tawan mo nin dakulang kahirasan an dakulang tribu, asin nin sadit na kahirasan an sadit na tribu.”

Mga Bilang 36:12

Nagpaagom sinda sa kaayon kan mga kamaganakan kan tribu ni Manases na aking lalaki ni Jose. Kaya nagdanay sa tribu kan saindang ama an saindang pagsadiri.

Josue 16:4

An dagang idto inako bilang pamana kan kapagarakian ni Jose, an mga tribu ni Efraim asin ni Manases sa solnopan.

Josue 17:15

Nagsimbag si Josue, “Kun dakul na kamong marahay asin sadit na para saindo an mabulod na daga ni Efraim, magduman kamo sa kadlagan asin hawanan nindo para saindo an daga kan mga Perezeo saka kan mga Refaim.”