Josue 17:1 - Marahay na Bareta Biblia

¹ Sarong parte kan daga sa solnopan kan Jordan an itinao sa nagkapirang pamilya na gikan ki Manases, an matuang aki ni Jose. An Gilead asin an Basan sa sirangan kan Jordan itinao ki Makir na aking matua ni Manases asin ama ni Gilead, huli ta si Makir sarong lalaking paralaban.

Josue 17:1 ပူးပေါင်းရင်းမြစ်များ

Genesis 41:51

Olay ni Jose, “Pinalingawan sako nin Dios an gabos kong pagtios asin an pamilya nin sakong ama”; kaya nginaranan niyang Manases an matua niyang aki.

Genesis 41:52

Nagsabi pa siya, “Tinawan ako nin Dios nin mga aki sa daga nin sakong kasakitan”; kaya nginaranan niyang Efraim an ikaduwa niyang aki.

Genesis 46:20

An mga aki ni Jose sa Egipto: si Manases asin si Efraim. An mga ini iyo an mga aki ni Jose ki Asenat, an aking babae ni Potifera na sarong padi sa On.

Genesis 48:17

Nagraot an boot ni Jose kan mahiling niyang ibinabaw ni Jacob an toong kamot sa payo ni Efraim; kaya kinua niya an kamot kan saiyang ama tanganing ibabaw sa payo ni Manases.

Genesis 48:18

Nagsabi si Jose sa saiyang ama, “Bakong arog kaiyan, ama ko. Iyo ini an matua; sa saiyang payo mo ibugtak an too mong kamot.”

Genesis 50:23

Nahiling pa niya an mga aki asin makoapo ni Efraim; siya man an nag-ako sa pamilya kan mga aki ni Makir na aki ni Manases.

2 Samuel 2:9

duman ginibo siya ni Abner bilang hade kan mga teritoryo nin Gilead, Asher, Jezreel, Efraim, Benjamin, asin kan bilog na Israel.

1 Mga Cronica 2:23

Alagad sinakop ni Gesur asin ni Aram an sesentang banwa duman, kaiba an mga baryo nin Jair asin Kenat, sagkod an mga kataraed na banwa. An mga tawong nag-erok duman mga kapagarakian ni Makir, na ama ni Gilead.

Ezekiel 47:13

An Kagurangnan Dios nagtaram, “Iyo ini an mga pagdolonan kan daga na babangaon para sa doseng tribu. An duwang kabtang kan daga na iyan itatao ki Jose.

Ezekiel 48:4

Kadolonan kan daga ni Neftali, magpoon sa sirangan sagkod sa solnopan iyo an kahirasan ni Manases.

Mga Bilang 26:29

An mga kaayon sa tribu ni Manases iyo si Makir na aking lalaki ni Manases. Si Makir iyo an ama ni Gilead, asin masososog ki Gilead an ginikanan kan minasunod na kamaganakan ninda:

Mga Bilang 27:1

Si Mala, si Noe, si Hogla, si Milca, asin si Tirza iyo an mga aking babae ni Zelofehad na aking lalaki ni Hefer, na aking lalaki ni Gilead, na aking lalaki ni Makir, na aking lalaki ni Manases, na aking lalaki ni Jose.

Mga Bilang 32:33

Kaya itinao ni Moises sa mga tribu ni Gad, ni Ruben, asin sa kabanga kan tribu ni Manases an gabos na teritoryo ni Sihon na hade kan mga Amoreo asin ni Og na hade nin Basan, kaiba an mga banwa asin mga baryo sa palibot kan mga iyan.

Deuteronomio 21:17

Doble an dapat na itao niyang kahirasan sa saiyang matua, minsan aki siya kan bako niyang padangat na agom. Kaipuhan midbidon niya an saiyang matua asin itao saiya an kahirasan na para saiya.

Josue 17:2

An daga sa solnopan kan Jordan itinao sa natadang mga pamilya kan tribu ni Manases na iyo si Abiezer, Helek, Asriel, Shekem, Hefer, asin Semida. Sinda an mga aking lalaki ni Manases na aki ni Jose; mga pamayo sinda nin mga pamilya.

Hukom 5:14

Hale ki Efraim, nagpasiring sinda sa kapantayan, nagsunod sa tribu ni Benjamin asin sa saiyang banwaan. Nagrulugsot an mga namamayo hale ki Machir, asin hale ki Zabulon an mga opisyal.