Josue 16:10 - Marahay na Bareta Biblia

¹⁰ Alagad dai ninda pinahale an mga Cananeo na nag-erok sa Gezer kaya sagkod ngunyan an mga Cananeo nag-eerok kaiba kan mga Efraimita, alagad pinirit sindang maglingkod bilang mga oripon.

Josue 16:10 ပူးပေါင်းရင်းမြစ်များ

1 Mga Hade 9:15

Ipinagboot ni Hadeng Solomon an pirit na pagpatrabaho tanganing ikatugdok an Templo asin an palasyo, tanganing patambakan nin daga an sirangan na parte kan syudad, saka ikatugdok an kudal kan syudad. Ipinagboot man niya an pirit na pagpatrabaho tanganing mapakarahay an mga syudad nin Hazor, Megido, sagkod an Gezer. (

1 Mga Hade 9:16

An Gezer sinalakay kaidto kan hade nin Egipto, sinakop, ginadan an mga tawo asin sinulo an syudad. Dangan itinao kan hade nin Egipto an Gezer bilang regalo sa saiyang aking babae kan ikasal ini ki Solomon.

Josue 10:33

Uminabot si Hadeng Horam kan Gezer sa pagtabang sa Lakis, alagad siya asin an saiyang hukbo dinaog ni Josue; mayo sainda nin itinadang buhay.

Josue 15:63

Alagad dai napahale kan banwaan nin Juda an mga Jebuseo na nag-eerok sa Jerusalem. Sagkod ngunyan duman sinda nag-erok kaiba an mga tawo na gikan sa tribu ni Juda.

Josue 16:9

kaiba an nagkapirang banwa saka mga baryo na yaon sa laog kan mga pagdolonan ni Manases, alagad itinao sa mga Efraimita.

Josue 17:12

Alagad dai napahale kan kapagarakian ni Manases an mga Cananeo, kaya padagos sindang nag-erok duman.

Josue 17:13

Maski kan makosog na an mga Israelita, dai ninda pinahale an gabos na Cananeo, alagad inoripon ninda an mga ini.

Hukom 1:29

Dai man pinahale kan tribu ni Efraim an mga Cananeo na nag-eerok sa syudad nin Gezer, kaya padagos na nag-erok sinda duman, kaiba kan mga Israelita.