Josue 15:8 - Marahay na Bareta Biblia

⁸ dangan minatukad sa may Kapantayan nin Hinnom, na nasa habagat kan bulod na pinatindogan kan Jerusalem, an Jebuseong syudad. Dangan minadagos an pagdolonan sa alitoktok kan bulod na nasa solnopan kan Kapantayan nin Hinnom, sa amihan na poro kan Kapantayan nin Refaim.

Josue 15:8 ပူးပေါင်းရင်းမြစ်များ

2 Samuel 5:18

Nag-abot an mga Filisteo asin naglakop sinda sa Kapantayan nin Refaim.

2 Samuel 5:22

Dai nahaloy, nagbalik an mga Filisteo asin naglakop giraray sinda sa Kapantayan nin Refaim.

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

1 Mga Cronica 11:4

Nagduman sa Jerusalem si David asin an bilog na Israel; Jebus an ngaran kaidto kan Jerusalem, asin an mga Jebuseo iyo an mga nag-eerok duman.

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

Nehemias 11:30

Zanoa, Adullam, asin sa mga baryo na harani sa mga banwa na ini. Nag-erok sinda sa Lakis saka sa mga haraning oma, sa Azeka asin sa mga baryo kaini. Kaya an mga taga Juda nag-erok sa teritoryo magpoon sa Beer-sheba sagkod sa Kapantayan nin Hinnom.

Isaias 17:5

An Israel makakaarog sa sarong oma na bago pa sanang anihon an mga trigo, siring sa sarong oma sa Kapantayan nin Refaim pakatapos na anihan iyan.

Jeremias 19:14

Naghale ako sa Tofet na pinadumanan sako nin Kagurangnan tanganing ipahayag ko duman an saiyang mensahe. Dangan nagduman ako saka nagtindog sa patyo kan Templo asin sinabihan ko an gabos na tawo

Jeremias 19:2

dangan ipag-iba sinda sa Kapantayan nin Hinnom, pakaluwas sa Trangkahan kan Paragibo nin Koron. Ipapahayag ko duman an mensahe na itatao niya sako.

Jeremias 19:6

Kaya maabot an panahon na dai na aapodon Tofet o Kapantayan nin Hinnom an lugar na ini. Embes kaiyan, aapodon ining Kapantayan na Pinaggagadanan.

Josue 15:63

Alagad dai napahale kan banwaan nin Juda an mga Jebuseo na nag-eerok sa Jerusalem. Sagkod ngunyan duman sinda nag-erok kaiba an mga tawo na gikan sa tribu ni Juda.

Josue 18:16

Minaibaba ini pasiring sa pamitisan kan bukid na nakadungaw sa Kapantayan nin Hinnom, sa amihan na poro kan Kapantayan nin Refaim, dangan minapasiring sa habagat, na minaagi sa Kapantayan nin Hinnom, sa habagat kan tukadon kan mga Jebuseo, pasiring sa En-rogel.

Josue 18:28

Zela, Haelef, Jebus, (o Jerusalem), Gibea, asin Kiriat-jearim: katorseng syudad gabos, kaiba an mga banwa sa palibot kan mga iyan. Iyo ini an daga na itinao bilang pamana sa mga pamilya kan tribu ni Benjamin.

Hukom 1:21

Alagad dai pinahale sa Jerusalem kan tribu ni Benjamin an mga Jebuseo kaya padagos na nag-erok sinda duman sa kaibahan kan banwaan ni Benjamin.

Hukom 1:8

Sinalakay kan mga lalaki sa tribu ni Juda an Jerusalem dangan sinakop. Ginaradan ninda an mga tawo duman dangan sinulo an syudad.

Hukom 19:10

Alagad habo nang magpapugol an lalaki, kaya naglakaw na siya kaiba an kasaroan, an sorogoon asin an duwang asnong igwa nin kamadero. Nagbabanggi na pag-abot ninda sa lugar na harani sa Jebus (o Jerusalem), kaya nagsabi an sorogoon sa saiyang amo, “Digdi na ngona kita magpaaga sa syudad na ini kan mga Jebuseo.”