Josue 15:47 - Marahay na Bareta Biblia

⁴⁷ Kairiba man an Asdod saka Gaza, dangan an mga banwa asin an mga baryo na abot sa sapa na nasa pagdolonan kan Egipto sagkod sa baybayon kan dagat nin Mediteraneo.

Josue 15:47 ပူးပေါင်းရင်းမြစ်များ

1 Mga Hade 5:4

Alagad ngunyan tinawan ako nin Kagurangnan na sakong Dios nin katoninongan sa gabos kong pagdolonan. Mayo na ako nin kaiwal asin mayo nang paghandal na tibaad salakayon.

2 Mga Hade 18:8

Nadaog niya an mga Filisteo dangan sinalakay niya an mga erokan ninda, magpoon sa pinakasadit na baryo sagkod sa pinakadakulang syudad, kaiba an Gaza saka an teritoryo sa palibot kaini.

2 Mga Cronica 26:6

Nakigera si Uzzias sa mga Filisteo. Rinumpag niya an mga kudal kan mga syudad nin Gat, Jamnia saka Asdod, dangan nagtugdok siya nin mga pusog na syudad harani sa Asdod asin maski saen sa daga kan mga Filisteo.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Jeremias 47:1

Bago sinalakay kan hade nin Egipto an Gaza, nagtaram sako an Kagurangnan manongod sa mga Filisteo.

Jeremias 47:5

Dakulang kamondoan an nag-abot sa mga taga Gaza, asin dai nagkakaalo an mga taga Askelon. Sagkod nuarin magmomondo an mga natada sa mga Filisteo?

Sofonias 2:4

Mayo nin matatada sa syudad nin Gaza. Maharale an mga nag-eerok sa Askelon. Sa laog nin kabangang aldaw, papahaleon an mga namamanwaan sa Asdod, asin papahaleon an mga nag-eerok sa syudad nin Ekron.

Mga Gibo 8:26

Nagtaram ki Felipe an sarong anghel nin Kagurangnan, “Mag-andam ka dangan magduman ka sa habagat, sa dalan na palugsot sa Jerusalem pasiring sa Gaza.” (An dalan na ini dai na pinag-aagihan.)

Deuteronomio 2:23

An nag-erok kaidto sa baybayon kan Mediteraneo sagkod sa Gaza iyo an mga Avvim; pinahale sinda kan mga taga Creta, na iyo an nag-erok sa lugar ninda.)

Josue 11:22

Mayo nin natada sa mga Anakim sa daga nin Israel; alagad sa Gaza, Gat asin Asdod, igwa nin natadang nagkapira.

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Josue 15:4

padagos sa Asmon, asin minasunod sa sapa na nasa pagdolonan nin Egipto dangan minatapos sa Dagat nin Mediteraneo. Iyo ini an pagdolonan sa habagat kan daga ni Juda.

Josue 15:46

asin an gabos na syudad saka mga banwa na harani sa Asdod, magpoon sa Ekron sagkod sa Dagat nin Mediteraneo.

Josue 15:48

Sa mga syudad sa mabulod na daga, kairiba an Samir, Jattir, Soco,