Josue 15:14 - Marahay na Bareta Biblia

¹⁴ Pinahale ni Caleb sa syudad an tolong aking lalaki ni Anak: si Sesai, Ahiman, asin Talmai.

Josue 15:14 ပူးပေါင်းရင်းမြစ်များ

2 Samuel 21:16

Sarong higante na an ngaran Isbibenob, na may darang bronseng garod na tolo may kabangang kilo an gabat asin sarong bagong espada, an naghona na magagadan niya si David.

Mga Bilang 13:33

Dangan nakahiling pa kami duman nin mga higante, an kapagarakian ni Anak. Sa paghiling mi, garo sana kami mga doron, asin arog man siguro kaiyan an paghona ninda samo.”

Deuteronomio 9:2

Haralangkaw saka makokosog an mga tawo duman; mga higante sinda asin nadangog na nindo na mayong makakadaog sainda.

Josue 11:21

Kan panahon na idto, nagduman si Josue asin tinunaw an rasa kan mga higante na inapod Anakim na nag-erok sa kabubuldan—sa Hebron, Debir, Anab, sagkod sa gabos na kabubuldan kan Juda saka Israel. Ginadan sinda gabos ni Josue asin sinakop an saindang mga syudad.

Josue 11:22

Mayo nin natada sa mga Anakim sa daga nin Israel; alagad sa Gaza, Gat asin Asdod, igwa nin natadang nagkapira.

Hukom 1:10

Linabanan ninda an mga Cananeo na nag-erok sa syudad nin Hebron na dating inaapod Kiriat-arba. Dinaog ninda duman an mga kamaganakan ni Sesai, Ahiman, asin Talmai.

Hukom 1:20

Itinao ki Caleb an Hebron sosog sa pagboot ni Moises, huli ta napahale niya sa syudad an tolong aking lalaki ni Anak.