Josue 14:9 - Marahay na Bareta Biblia

⁹ Huli ta ginibo ko ini, nanuga sako si Moises na itatao niya sako sagkod sa mga aki ko bilang samong pamana an daga na sakong lalakawan.

Josue 14:9 ပူးပေါင်းရင်းမြစ်များ

Salmo 37:9

An daga masasadirihan kan mga nagsasarig sa Kagurangnan; alagad an mga maraot papahaleon duman.

Mga Bilang 13:22

Nagduman ngona sinda sa habagat na parte kan daga nin Canaan dangan sa Hebron, saen nag-eerok an mga kamaganakan ni Ahiman, ni Sesai asin ni Talmai, an kapagarakian kan sarong rasa nin mga higante na inaapod Anakim. (Pinatindog an Hebron mga pitong taon bago mapatindog an Zoan sa Egipto.)

Deuteronomio 1:36

Si Caleb na aki ni Jefunne, iyo sana an makakalaog duman. Nagmaimbod siya sako, kaya itatao ko saiya asin sa mga kapagarakian niya an daga na saiyang linakawan!’

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.

Josue 1:3

Siring sa itinaram ko ki Moises, itinatao ko saindo an gabos na daga na saindong lalakawan.

Josue 14:10

Alagad kwarenta y singkong taon na ngunyan an nakaagi magpoon kan itaram iyan nin Kagurangnan ki Moises. Sa panahon na iyan naglakaw sa kalangtadan an Israel, asin pinahalawig pa nin Kagurangnan an sakong buhay, siring sa saiyang panuga. Hilinga ako! Otsenta y singkong taon na an edad ko

Hukom 1:20

Itinao ki Caleb an Hebron sosog sa pagboot ni Moises, huli ta napahale niya sa syudad an tolong aking lalaki ni Anak.