Josue 14:12 - Marahay na Bareta Biblia

¹² Kaya itao mo sako ngunyan an mabulod na daga na ipinanuga sako nin Kagurangnan kan aldaw na ako asin an mga kairiba ko nagpahayag manongod sa ginibo ming pagsiyasat. Sinabihan mi kamo kaidto na an rasa kan mga higanteng Anakim yaon duman sa mga syudad na napapalibotan nin kudal. Tibaad ibahan ako nin Kagurangnan, asin mapahale ko sinda siring sa itinaram nin Kagurangnan.”

Josue 14:12 ပူးပေါင်းရင်းမြစ်များ

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Salmo 60:12

Kun kaiba nyato an Dios, kita manggagana; siya an maronot kan mga kaiwal ta.

Mga Bilang 13:28

Alagad mapangyari an mga nag-eerok duman. Darakula an saindang mga syudad sagkod matitibay an mga kudal. Laen pa kaiyan nahiling mi man an kapagarakian kan mga higante.

Mga Bilang 13:33

Dangan nakahiling pa kami duman nin mga higante, an kapagarakian ni Anak. Sa paghiling mi, garo sana kami mga doron, asin arog man siguro kaiyan an paghona ninda samo.”

Mga Bilang 21:34

Nagtaram an Kagurangnan ki Moises, “Dai ka matakot saiya. Itatao ko siya saimo, an gabos niyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo, na nag-erok sa Hesbon.”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Filipos 4:13

An gabos magigibo ko huli ki Cristo na nagpapakosog sako.

Hebreyo 11:33

Huli sa pagtubod sinakop ninda an mga kahadean, ginibo an matanos asin inako an ipinanuga nin Dios. Tinakpan ninda an ngoso kan mga leon;

Josue 15:14

Pinahale ni Caleb sa syudad an tolong aking lalaki ni Anak: si Sesai, Ahiman, asin Talmai.

Hukom 1:20

Itinao ki Caleb an Hebron sosog sa pagboot ni Moises, huli ta napahale niya sa syudad an tolong aking lalaki ni Anak.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”