Josue 13:9 - Marahay na Bareta Biblia

⁹ An teritoryo ninda minaabot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na ini saka an gabos na kapatagan sa bukid na minapoon sa Medeba sagkod sa Dibon;

Josue 13:9 ပူးပေါင်းရင်းမြစ်များ

2 Samuel 24:5

Binalyo ninda an Jordan asin nagkampo sa habagat nin Aroer, an syudad na nasa tahaw kan kapantayan, sa teritoryo nin Gad. Hale duman, nagpa-amihan sinda, sa Jazer,

1 Mga Cronica 19:7

Nag-abot an inarkila nindang treynta y dos mil na mga karwahe; nag-abot man an hade nin Maaca, kaiba an saiyang hukbo, dangan nagkampo harani sa Medeba. Nagluwas man an mga Ammonita hale sa gabos nindang syudad asin nag-andam sa pakilaban.

Nehemias 11:25

Dakul sa mga tawo an nag-erok sa mga banwa na harani sa saindang mga oma. An mga gikan sa tribu nin Juda nag-erok sa Kiriat-arba, Dibon saka Jekabzeel, asin sa mga baryo na harani sa mga syudad na ini.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Jeremias 48:18

Kamong nag-eerok sa Dibon, bumaba kamo hale sa saindong kamurawayan saka magtukaw kamo sa matagas na daga; uya na an marumpag kan Moab asin binayaan niyang raot an mga bantayan.

Jeremias 48:22

sa Dibon, sa Nebo, sa Bet-diblataim,

Jeremias 48:8

Mayo ni sarong banwa na makakalikay sa pagkagaba; an kapantayan asin an kapatagan parehong mararaot. Ako, an Kagurangnan, an nagtaram.

Mga Bilang 21:30

Kaya naubos an saiyang kapagarakian magpoon sa Hesbon sagkod sa Dibon Magpoon sa Nasim sagkod sa Nofa, harani sa Medeba.”

Deuteronomio 2:36

Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Deuteronomio 3:12

“Kan masadirihan ta na an daga, itinao ko sa mga tribu ni Ruben asin Gad an teritoryo na nasa amihan kan banwa nin Aroer, harani sa Salog nin Arnon, asin an kabtang kan mabulod na daga nin Gilead, kaiba an mga banwa duman.

Deuteronomio 3:16

asin an teritoryo magpoon sa Gilead sagkod sa Salog nin Arnon itinao ko sa mga tribu ni Ruben saka ni Gad. An pagdolonan ninda sa timog iyo an Salog nin Arnon, asin sa amihan iyo an Salog nin Jabbok. Digdi man minapoon an daga kan mga Ammonita.

Josue 12:2

An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;

Josue 13:10

sagkod an gabos na syudad ni Sihon, an hade kan mga Amoreo, na naghade sa Hesbon, sagkod sa pagdolonan nin Ammon;

Josue 13:16

An saindang teritoryo abot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na idto saka an gabos na kapatagan sa bukid sa palibot kan Medeba.

Josue 13:8

An mga tribu ni Ruben, Gad asin an kabanga kan tribu ni Manases nag-ako na kan dagang itinao sainda ni Moises na sorogoon nin Kagurangnan; yaon an dagang ini sa sirangan kan Salog nin Jordan.