Josue 13:6 - Marahay na Bareta Biblia

⁶ Kabilang digdi an gabos na teritoryo kan mga Sidoneo na nag-eerok sa mabulod na daga sa pagultanan kan Kabukidan nin Lebanon asin Misrefot-maim. Papahaleon ko an mga tawong ini sa pagdangadang kan mga Israelita. Kaipuhan hirason mo an daga sa mga Israelita siring sa ipinagboot kong gibohon mo.

Josue 13:6 ပူးပေါင်းရင်းမြစ်များ

Salmo 80:8

Sarong ubasan kinua mo hale sa Egipto; pinahale mo an mga nasyon asin itinanom idto.

Mga Bilang 33:54

Bangaon mo an daga sa manlaen-laen na tribu asin kamaganakan sa paagi nin pagripa. Tawan mo nin dakulang kahirasan an dakulang kamaganakan asin sadit na kahirasan an sadit na kamaganakan.

Josue 1:6

Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Josue 11:12

Sinakop ni Josue an gabos na syudad na idto asin an saindang mga hade. Ginadan niya an mga tawo duman siring sa ipinagboot ni Moises na sorogoon nin Kagurangnan.

Josue 11:8

Itinao nin Kagurangnan an kapangganahan sa mga Israelita; sinalakay ninda an mga kaiwal asin linamag sagkod sa Misrefot-maim saka Sidon sa parteng amihan, patin sagkod sa Kapantayan nin Mizpa sa sirangan. An ralaban nagpadagos sagkod na mayo na nin natadang buhay sa mga kaiwal.

Josue 13:7

Kaya ngani bangaon mo an dagang ini tanganing masadirihan kan siyam na tribu asin kan kabanga kan tribu ni Manases.”

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.

Josue 23:4

Itinao ko na saindo bilang pamana kan saindong mga tribu an mga dagang dai pa nasasakop, siring man an gabos na daga kan mga banwaan na nasakop ko na, magpoon sa Salog nin Jordan sa parteng sirangan sagkod sa Dagat nin Mediteraneo sa parteng solnopan.

Josue 23:5

Papasibogon sinda nin Kagurangnan na saindong Dios asin papahaleon sa pagdangadang nindo. Mapapasaindo an daga ninda siring sa panuga saindo nin Kagurangnan na saindong Dios.