Josue 13:4 - Marahay na Bareta Biblia

⁴ Yaon pa an bilog na daga kan mga Cananeo, asin an Meara na sadiri kan mga Sidoneo, sagkod sa Afek sa pagdolonan kan mga Amoreo;

Josue 13:4 ပူးပေါင်းရင်းမြစ်များ

1 Mga Hade 20:26

Pakalihis kan taon, tinipon niya an saiyang mga tawohan asin nagpasiring sinda sa Afek tanganing labanan an Israel.

1 Mga Hade 20:30

Nagdurulag an mga natadang soldados asin nagralaog sa syudad nin Afek, alagad narumpagan kan kudal kan syudad an beynte y syete mil sainda. Nakadulag man si Ben-hadad pasiring sa syudad asin nagpaili sa pinakatagong kwarto nin sarong harong.

Ezekiel 16:3

Sabihan mo an Jerusalem kun ano an itinataram saiya kan Kagurangnan Dios: “Namundag ka sa daga nin Canaan. Sarong Amoreo an saimong ama asin sarong Hetea an saimong ina.

Amos 2:10

Ilinuwas ko kamo hale sa Egipto, pinangenotan sa desyerto sa laog nin kwarentang taon, dangan tinawan kan daga na pagsadiri kan mga Amoreo.

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 11:3

Nagpasabi man siya sa mga Cananeo sa mag-ibong na gilid kan Jordan, sa mga Amoreo, Heteo, Perezeo, asin sa mga Jebuseo na nag-eerok sa kabubuldan, siring man sa mga Heveo na nag-eerok sa pamitisan kan Bukid nin Hermon sa daga nin Mizpa.

Josue 12:18

Afek, Lasaron,

Josue 19:30

Umma, Afek, asin Rehob: beynte y dos na syudad gabos, kaiba an mga banwa sa palibot kan mga iyan.

1 Samuel 4:1

Kan panahon na iyan nagtiripon an mga Filisteo tanganing makigera sa Israel, kaya nagluwas an mga Israelita tanganing labanan sinda. Nagkampo an mga Israelita sa Ebenezer mantang an mga Filisteo nagkampo sa Afek.