Josue 13:31 - Marahay na Bareta Biblia

³¹ Napasainda an kabanga kan Gilead, siring man an Astarot saka Edrei, an duwang pangenot na syudad kan kahadean ni Og sa Basan. Ini gabos itinao sa kabanga kan mga pamilyang gikan ki Makir na aki ni Manases.

Josue 13:31 ပူးပေါင်းရင်းမြစ်များ

1 Mga Cronica 6:71

Itinao sa mga pamilya kan kamaganakan ni Gerson an mga banwang ini kaiba an mga dagang pasabsaban sa palibot: Hale sa teritoryo nin Manases sa sirangan: an Golan sa Basan asin an Astarot.

Salmo 60:7

Sakuya an Gilead, sakuya an Manases; an Efraim an sakuyang helmet, an Juda an sakuyang setro.

Ezekiel 48:4

Kadolonan kan daga ni Neftali, magpoon sa sirangan sagkod sa solnopan iyo an kahirasan ni Manases.

Josue 12:4

Nadaog man kan mga Israelita si Hadeng Og kan Basan, saro sa mga natada sa rasa kan Refaim; nag-erok siya sa Astarot asin sa Edrei.

Josue 13:12

Sakop man kan teritoryo ninda an kahadean ni Og, an natada sa mga Refaim, na naghade sa Astarot asin Edrei. Dinaog ni Moises an mga tawong ini asin pinahale sa saindang daga.

Josue 13:32

Siring kaini an pagkabanga ni Moises kan daga sa sirangan nin Jerico asin nin Salog nin Jordan kan siya yaon duman sa Kapantayan nin Moab.

Josue 17:5

Ini an dahelan kun tano ta si Manases nagkaigwa nin sampolong parte, laen pa kan Gilead asin Basan sa sirangan kan Jordan,

Josue 17:6

huli ta an kapagarakian niyang mga babae hinirasan man nin daga arog kan kapagarakian niyang mga lalaki. An daga nin Gilead napaduman sa ibang kapagarakian ni Manases.

Josue 9:10

asin an ginibo niya sa duwang hadeng Amoreo sa sirangan kan Jordan: si Hadeng Sihon kan Hesbon asin si Hadeng Og kan Basan, na nag-erok sa Astarot.

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 5:17

An tribu ni Gad nag-erok sa sirangan kan Jordan; sa saindang mga barko nagpawalat an tribu ni Dan. Sa baybayon nag-ontok an tribu ni Asher; dai na naghiro sa saindang namumugtakan.

1 Samuel 12:10

Dangan nag-agrangay sinda sa Kagurangnan tanganing tabangan; olay ninda, ‘Nagkasala kami, Kagurangnan, huli ta nagtalikod kami saimo asin nagsamba sa mga ladawan ni Baal saka ni Astarte. Ligtasan kami sa samong mga kaiwal asin sasambahon mi ika.’

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”