Josue 13:29 - Marahay na Bareta Biblia

²⁹ Hinirasan ni Moises kan daga an mga pamilya kan kabanga kan tribu ni Manases bilang saindang pagsadiri.

Josue 13:29 ပူးပေါင်းရင်းမြစ်များ

1 Mga Cronica 5:23

An kabanga kan tribu ni Manases na nasa sirangan nag-erok sa teritoryo nin Basan sagkod sa Baal-hermon, Senir, asin Bukid nin Hermon. Padagos an saindang pagdakul.

Ezekiel 48:4

Kadolonan kan daga ni Neftali, magpoon sa sirangan sagkod sa solnopan iyo an kahirasan ni Manases.

Mga Bilang 32:22

asin masadirihan an daga. Pakatapos kaiyan, pwede na kamong magpuli, huli ta naotob na nindo an saindong katongdan sa Kagurangnan asin sa saindong kapwa Israelita. Dangan mimidbidon nin Kagurangnan na an dagang ini sa sirangan nin Jordan kahirasan nindo.

Mga Bilang 32:40

Kaya itinao ni Moises an Gilead sa kamaganakan ni Makir, asin duman na sinda nag-erok.

Deuteronomio 3:13

Itinao ko sa kabanga kan tribu ni Manases an natadang kabtang kan Gilead, asin an bilog na Basan, na pinaghadean ni Og, na iyo an bilog na rehiyon nin Argob.” (An Basan iyo an inapod na daga kan mga Refaim.

Josue 13:28

Iyo ini an mga syudad asin mga banwa na itinao bilang pamana sa mga pamilya kan tribu ni Gad.

Josue 13:30

An saindang kahirasan abot sa Mahanaim asin kaiba an Basan—an bilog na kahadean ni Og, na hade kan Basan, siring man an sesentang baryo nin Jair sa Basan.

Josue 17:5

Ini an dahelan kun tano ta si Manases nagkaigwa nin sampolong parte, laen pa kan Gilead asin Basan sa sirangan kan Jordan,

Josue 17:6

huli ta an kapagarakian niyang mga babae hinirasan man nin daga arog kan kapagarakian niyang mga lalaki. An daga nin Gilead napaduman sa ibang kapagarakian ni Manases.