Josue 13:27 - Marahay na Bareta Biblia

²⁷ Sa Kapantayan nin Jordan, kahirasan ninda an Bet-haran, Bet-nimra, Sukkot, asin an Safon, an natadang kabtang kan kahadean ni Hadeng Sihon kan Hesbon. An pagdolonan ninda sa parteng solnopan minapoon sa Salog nin Jordan sagkod sa Danaw nin Galilea.

Josue 13:27 ပူးပေါင်းရင်းမြစ်များ

Genesis 33:17

alagad nagpaduman sa Sukkot si Jacob. Nagpatindog siya duman nin harong asin mga harong-harong para sa saiyang mga hayop; kaya an lugar na idto nginaranan nin Sukkot.

1 Mga Hade 7:46

Ipinagibo niya ini duman sa kapantayan nin Jordan, sa lugar na tunawan nin mga metal sa pagultanan kan Sukkot asin Zaretan.

Salmo 60:6

Nagtaram an Dios hale sa saiyang santwaryo, “Sa kaogmahan, an Shekem babangaon ko, an Kapantayan nin Sukkot hihirason ko.

Mga Bilang 32:3

“An rehiyon na ini nasakop kan mga Israelita sa tabang nin Kagurangnan—an mga banwa nin Atarot, Dibon, Jazer, Nimra, Hesbon, Eleale, Sibma, Nebo, asin Beon—marahay na daga para sa mga hayop, asin dakul nin marahay an samong mga hayop.

Mga Bilang 32:36

Bet-nimra, asin Bet-haran.

Mga Bilang 34:11

Dangan mapahabagat pasiring sa Harbel, sa sirangan nin Ain, asin mapadagos sa kabubuldan sa parteng sirangan na baybayon kan Danaw nin Galilea,

Lukas 5:1

Sarong aldaw, nagtindog si Jesus sa tampi kan Danaw nin Genesaret. Nagsurusoan an mga tawo nganing makarani saiya sa pagdangog kan tataramon nin Dios.

Deuteronomio 3:17

Sa solnopan, an saindang teritoryo sagkod sa Salog nin Jordan, magpoon sa Danaw nin Galilea sa parteng amihan, sagkod sa Gadan na Dagat sa parteng timog saka sa Bukid nin Pisga sa parteng sirangan.

Josue 11:2

sa mga hade sa kabubuldan sa parteng amihan, sa kapantayan nin Jordan sa timog kan Danaw nin Galilea, sa mga kababan, asin sa baybayon harani sa Dor.

Josue 12:3

sakop pa kan saiyang kahadean an Kapantayan nin Jordan magpoon sa Danaw nin Galilea na nasa timog kan Bet-jesimot (sa sirangan kan Gadan na Dagat) sagkod sa pamitisan kan Bukid nin Pisga.

Josue 13:26

Magpoon sa Hesbon, an saindang daga minaabot sa Ramat-mizpe saka sa Betonim, poon sa Mahanaim sagkod sa pagdolonan kan Lodebar.

Josue 13:28

Iyo ini an mga syudad asin mga banwa na itinao bilang pamana sa mga pamilya kan tribu ni Gad.