Josue 13:16 - Marahay na Bareta Biblia

¹⁶ An saindang teritoryo abot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na idto saka an gabos na kapatagan sa bukid sa palibot kan Medeba.

Josue 13:16 ပူးပေါင်းရင်းမြစ်များ

2 Samuel 24:5

Binalyo ninda an Jordan asin nagkampo sa habagat nin Aroer, an syudad na nasa tahaw kan kapantayan, sa teritoryo nin Gad. Hale duman, nagpa-amihan sinda, sa Jazer,

1 Mga Cronica 19:7

Nag-abot an inarkila nindang treynta y dos mil na mga karwahe; nag-abot man an hade nin Maaca, kaiba an saiyang hukbo, dangan nagkampo harani sa Medeba. Nagluwas man an mga Ammonita hale sa gabos nindang syudad asin nag-andam sa pakilaban.

Isaias 15:4

An mga taga Hesbon saka taga Eleale nagkukurahaw, asin an saindang kinurahaw nadadangog sagkod sa harayong lugar nin Jahaz. Maski an mga soldados tinatakigan; mayo na sindang kosog nin boot.

Mga Bilang 21:26

An Hesbon iyo an pangenot na syudad ni Hadeng Sihon na Amoreo, na nakilaban sa dating hade nin Moab asin nakasakop kan bilog na daga sagkod sa Arnon.

Deuteronomio 3:12

“Kan masadirihan ta na an daga, itinao ko sa mga tribu ni Ruben asin Gad an teritoryo na nasa amihan kan banwa nin Aroer, harani sa Salog nin Arnon, asin an kabtang kan mabulod na daga nin Gilead, kaiba an mga banwa duman.

Josue 12:2

An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;

Josue 13:15

Hinirasan ni Moises kan daga an mga pamilya kan tribu ni Ruben bilang saindang pagsadiri.

Josue 13:17

Sakop kan teritoryo ninda an Hesbon saka an gabos na syudad sa kapatagan sa bukid: an Dibon, Bamot-baal, Bet-baal-meon,

Josue 13:9

An teritoryo ninda minaabot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na ini saka an gabos na kapatagan sa bukid na minapoon sa Medeba sagkod sa Dibon;

Josue 14:3

Itinao na ni Moises sa duwa may kabangang tribu an daga sa sirangan kan Salog nin Jordan. (An kapagarakian ni Jose binanga sa duwang tribu: an tribu ni Manases asin ni Efraim.) Dai tinawan ni Moises nin daga an mga Levita. Alagad tinawan niya sinda nin mga syudad na pag-eerokan na igwa nin mga pasabsaban para sa saindang mga hayop.

Josue 18:7

Alagad an mga Levita dai mag-aako kan daga huli ta an kahirasan ninda iyo an maglingkod bilang mga padi nin Kagurangnan; dai na man hihirasan an mga tribu ni Gad, ni Ruben asin ni Manases sa sirangan huli ta nag-ako na sinda kan saindang daga sa sirangan kan Jordan na itinao sainda ni Moises, an sorogoon nin Kagurangnan.”

Hukom 11:26

Sa laog nin tolong gatos na taon nag-erok an mga Israelita sa Hesbon, sa Aroer, asin sa mga banwa na nasa palibot kaiyan, sagkod sa mga syudad na yaon sa pangpang kan Salog nin Arnon. Tano ta dai mo kinua an dagang idto sa laog kan panahon na iyan?

1 Samuel 30:28

sa Aroer, sa Sifmot, sa Estemoa,