Josue 12:8 - Marahay na Bareta Biblia

⁸ An dagang idto iyo an kabubuldan, an mga kababan sa solnopan, an Kapantayan nin Jordan, asin an kababan duman, an mga tukadon sa sirangan, sagkod sa habagat na parte kan Canaan. Iyo idto an dagang dating pinag-eerokan kan mga Heteo, Amoreo, Cananeo, Perezeo, Heveo, asin Jebuseo.

Josue 12:8 ပူးပေါင်းရင်းမြစ်များ

Genesis 10:17

Heveo, Araceo, Sineo,

Genesis 12:9

Dangan nagpadagos sa paglakaw si Abram pasiring sa habagat na parte kan Canaan.

Genesis 13:7

Kaya nagkaigwa nin pag-iriwal an mga pastor ni Abram asin ni Lot. (Kaidto, an mga Cananeo asin Perezeo iyo an nag-eerok sa lugar na idto.)

Exodo 23:23

Mangengenotan sa saindo an sakong anghel pasiring sa daga kan mga Amoreo, Heteo, Perezeo, Cananeo, Heveo asin Jebuseo dangan paparaon ko sinda gabos.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 11:16

Sinakop ni Josue an bilog na daga—an mga syudad sa kabubuldan asin sa kababan, sa amihan saka sa habagat, an bilog na teritoryo kan Gosen, an habagat na parte kan Canaan, sagkod an Kapantayan nin Jordan.

Josue 3:10

Sa pagdangadang nindo, aalawon niya paluwas sa daga an mga Cananeo, Heteo, Heveo, Perezeo, Gergeseo, Amoreo asin Jebuseo. Saindong maaaraman na yaon sa tahaw nindo an buhay na Dios,

Josue 9:1

An mga kapangganahan kan Israel nabaretaan kan gabos na hade sa solnopan kan Jordan—sa kabubuldan, sa kababan, asin sa baybayon kan Dagat nin Mediteraneo sagkod sa Lebanon, sa parteng amihan. Sinda iyo an mga hade kan mga Heteo, Amoreo, Cananeo, Perezeo, Heveo, asin mga Jebuseo.

Hukom 1:9

Pakatapos, nakilaban sinda sa mga Cananeo na nag-erok sa mabulod na daga, sa kababan, asin sa habagat na parte kan Canaan.