Josue 12:2 - Marahay na Bareta Biblia

² An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;

Josue 12:2 ပူးပေါင်းရင်းမြစ်များ

Genesis 32:22

Kan bangging idto, nagbangon si Jacob asin dinara sa ibong kan Salog nin Jabbok an saiyang duwang agom, an duwa niyang kasaroan asin an onse niyang aki.

1 Mga Cronica 5:8

asin si Bela na aking lalaki ni Azaz na makoapo ni Sema sa kamaganakan ni Joel. An mga kamaganakan na ini nag-erok sa Aroer sagkod sa Nebo asin Baal-meon.

Nehemias 9:22

“Pinasakop mo sainda an mga nasyon saka mga kahadean, mga dagang yaon sa saindang pagdolonan. Sinakop ninda an daga nin Hesbon, na an hade iyo si Sihon, asin an daga nin Basan, na an hade iyo si Og.

Salmo 135:11

Si Sihon, hade kan mga Amoreo, si Og, hade nin Basan, asin an gabos na hade sa Canaan.

Jeremias 48:19

Kamong nag-eerok sa Aroer, magtindog kamo sa gilid kan dalan saka maghalat; hapoton nindo an nagdudurulag, aramon nindo sainda kun ano an nangyari.

Deuteronomio 1:4

pakatapos na daogon nin Kagurangnan si Sihon na hade kan mga Amoreo na nag-erok sa Hesbon, saka si Og na hade nin Basan na nag-erok sa Astarot asin Edrei.

Hukom 11:13

Nagsimbag an hade kan Ammon sa mga sinugo ni Jefta, “Kan umabot an mga Israelita hale sa Egipto, kinua ninda an sakong daga magpoon sa Salog nin Arnon sagkod sa Salog nin Jabbok asin Jordan. Kaya kaipuhan ibalik nindo iyan sako nin matoninong.”

Hukom 11:22

Sinakop ninda an gabos na teritoryo kan mga Amoreo magpoon sa Arnon sa habagat sagkod sa Jabbok sa amihan, asin magpoon sa kalangtadan sa sirangan sagkod sa Jordan sa solnopan.