Josue 11:6 - Marahay na Bareta Biblia

⁶ Tinaraman nin Kagurangnan si Josue, “Dai ka matakot sainda. Sa siring na oras sa aga, garadan nang itatao ko sinda sa Israel; pipilayan nindo an saindang mga kabayo asin susuloon an saindang mga karwahe.”

Josue 11:6 ပူးပေါင်းရင်းမြစ်များ

2 Samuel 8:4

Binihag ni David an mil syete syentos sa mga nakakabayong soldados ni Hadadezer asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

2 Mga Hade 6:16

Nagsimbag si Eliseo, “Dai ka matakot huli ta mas dakul kita ki sa sainda.”

2 Mga Cronica 20:16

Salakayon nindo sinda sa aga mantang nagtutukad sinda sa Tukadon nin Ziz. Manunumpongan nindo sinda sa poro kan kapantayan, sa sirangan na parte kan kalangtadan nin Jeruel.

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Mga Talinhaga 20:7

Paladan an mga aki na igwa nin ama na onesto saka matanos.

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Ezekiel 39:9

An mga nag-eerok sa mga syudad nin Israel maluwas dangan titiponon an nabayaan na mga armas tanganing gamiton bilang igatong. Maamak sinda nin kalayo na an igatong iyo an mga kalasag, mga pana, mga bosog, mga garod, saka mga pamukpok, asin masagkod an mga igatong na ini sa laog nin pitong taon.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Nahum 2:13

“Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 11:5

Pinagsararo kan mga hadeng ini an saindang hukbo asin nagtiripon sinda sa may Sapa nin Merom tanganing labanan an Israel.

Josue 11:7

Kaya biglang sinalakay sinda ni Josue asin kan saiyang mga soldados sa may Sapa nin Merom.

Josue 11:9

Ginibo sainda ni Josue an ipinagboot nin Kagurangnan: pinilayan niya an saindang mga kabayo asin sinulo an saindang mga karwahe.

Josue 3:5

Sinabihan ni Josue an mga tawo, “Magrilinig kamo, huli ta sa aga magibo an Kagurangnan nin mga ngangalasan sa atubang nindo.”

Hukom 7:9

Kan bangging idto, pinagbotan nin Kagurangnan si Gideon, “Bumangon ka asin salakayon mo an kampo kan mga Midianita; itinatao ko saimo an kapangganahan.

1 Samuel 11:9

Sinabihan ninda an mga sugo hale sa Jabes, “Sabihan nindo an saindong mga kahimanwa na sa aga bago mag-odto, ililigtas na sinda.” Pakadangog kan mga taga Jabes kan baretang ini, nagkaorogma sinda nin marahay