Josue 11:21 - Marahay na Bareta Biblia

²¹ Kan panahon na idto, nagduman si Josue asin tinunaw an rasa kan mga higante na inapod Anakim na nag-erok sa kabubuldan—sa Hebron, Debir, Anab, sagkod sa gabos na kabubuldan kan Juda saka Israel. Ginadan sinda gabos ni Josue asin sinakop an saindang mga syudad.

Josue 11:21 ပူးပေါင်းရင်းမြစ်များ

Jeremias 3:23

Mayo nin ikinataong tabang samo an pagsamba sa mga dios-dios sa ibabaw kan kabubuldan. An tabang para sa Israel minahale nanggad sa Kagurangnan na samong Dios.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Amos 2:9

“Alagad, banwaan ko, huli saindo kun kaya pinuho ko an mga Amoreo, an mga lalaking arog kahalangkaw sa mga sedro asin arog kakosog sa mga hamurawon.

Mga Bilang 13:33

Dangan nakahiling pa kami duman nin mga higante, an kapagarakian ni Anak. Sa paghiling mi, garo sana kami mga doron, asin arog man siguro kaiyan an paghona ninda samo.”

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 2:21

Dakul sindang marahay asin darakula arog sa mga Anakim. Alagad ginadan sinda nin Kagurangnan tanganing an mga Ammonita iyo na an mag-erok sa lugar ninda.

Deuteronomio 9:2

Haralangkaw saka makokosog an mga tawo duman; mga higante sinda asin nadangog na nindo na mayong makakadaog sainda.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.

Hukom 1:20

Itinao ki Caleb an Hebron sosog sa pagboot ni Moises, huli ta napahale niya sa syudad an tolong aking lalaki ni Anak.