Josue 11:20 - Marahay na Bareta Biblia

²⁰ Ginibo nin Kagurangnan na maigot sindang makipaglaban sa mga Israelita tanganing ronoton sinda asin gadanon na mayo nin pagkaherak. Iyo ini an ipinagboot nin Kagurangnan ki Moises.

Josue 11:20 ပူးပေါင်းရင်းမြစ်များ

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

1 Mga Hade 12:15

Kaya dai naghinanyog sa banwaan an hade, huli ta iyo ini an kabotan kan Kagurangnan tanganing maotob an itinaram niya ki Jeroboam na aking lalaki ni Nebat huli ki Propeta Ahias na taga Shilo.

2 Mga Cronica 22:7

An pagdalaw na ini ni Ahazias ki Joram iyo an ginamit nin Dios na paagi tanganing mangyari an pagbagsak ni Ahazias. Huli ta kan yaon duman ki Joram si Ahazias, sinabat sinda kan aking lalaki ni Nimsi, na an ngaran Jehu, an lalaki na pinili nin Kagurangnan na magtunaw kan pamilya ni Ahab.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

Exodo 10:1

Dangan nagtaram an Kagurangnan ki Moises, “Magduman ka sa hade. Pinatagas ko an saiyang puso asin an puso kan saiyang mga opisyal tanganing ikapahiling ko sainda ining mga ngangalasan,

Exodo 11:10

Ginibo ni Moises saka ni Aaron an mga ngangalasan na ini sa atubang kan hade, alagad pinatagas nin Kagurangnan an puso kan hade kaya dai niya tinugotan na humale sa saiyang daga an mga Israelita.

Exodo 14:17

Orog na papatagason ko an puso kan mga Egipcio kaya lalamagon ninda an mga Israelita, asin makakakua ako nin kaomawan huli kan sakong kapangganahan laban sa hade, sa saiyang mga hukbo asin sa saiyang mga nakakabayo saka mga nakakarwaheng soldados.

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 14:8

Pinatagas nin Kagurangnan an puso kan hade kaya linamag kaini an mga Israelita, na mapangganang nagharale.

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 9:12

Alagad pinatagas nin Kagurangnan an puso kan hade, kaya dai kaini dinangog si Moises saka si Aaron, sosog sa itinaram nin Kagurangnan.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Isaias 14:24

An Kagurangnan nin mga hukbo nagsumpa: “Kun ano an sakong plinano, mangyayari. Kun ano an sakong boot na gibohon, magigibo.

Isaias 34:2

Anggot an Kagurangnan sa gabos na nasyon asin sa gabos nindang hukbo. Sinentensyahan na niya sinda nin kagadanan.

Roma 9:18

Kaya maheherakan niya an boot niyang maherakan; papatagason niya an puso kan boot niyang patagason.

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Hukom 14:4

Dai naisihan kan mga magurang ni Samson na pasabong idto nin Kagurangnan, huli ta naghahanap sana an Kagurangnan nin dahelan tanganing labanan an mga Filisteo. Kan panahon na idto, an mga Filisteo iyo an nakakasakop sa Israel.

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.