Josue 11:15 - Marahay na Bareta Biblia

¹⁵ Pinagbotan nin Kagurangnan an saiyang sorogoon na si Moises asin pinagbotan ni Moises si Josue. Kinuyog ni Josue an gabos na ipinagboot nin Kagurangnan ki Moises.

Josue 11:15 ပူးပေါင်းရင်းမြစ်များ

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Mga Bilang 33:50

Duman sa kapatagan nin Moab sa ibong kan Jordan hale sa Jerico, itinao nin Kagurangnan ki Moises

Mga Bilang 33:52

pahaleon nanggad nindo an gabos na nag-eerok sa daga. Raoton nindo an gabos nindang ladawan na gibo sa gapo saka sa metal. Gabaon man nindo an gabos nindang lugar na pinagsasambahan.

Mateo 23:23

“Herak man saindo, mga paratukdo kan Katogonan asin mga Fariseo! Mga parasagin-sagin! Nagtatao kamo sa Dios nin himoloan maski kan tinanom na panrekado siring kan anis, pamyenta asin komino. Alagad dai nindo kinukuyog an mas mahalagang katukdoan sa Katogonan arog kan katanosan, pagkaherak asin pagtubod. Ini an dapat nindong gibohon, dangan dai man nindo pagpabayaan an iba.

Lukas 11:42

“Herak man saindo, mga Fariseo! Nagtatao kamo nin himoloan para sa Dios maski kan mga tinanom na panrekado, siring kan pamyenta, anis patin iba pa, alagad pinapabayaan nindo an katanosan asin an pagkamoot nin Dios. Ini an dapat nindong gibohon, alagad dai man pagpabayaan an iba.

Mga Gibo 20:20

Dai ako nagpabaya sa paghulit saindo kan ikakarahay nindo; tinukdoan ko kamo sa publiko saka sa saindong mga harong.

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 31:3

An Kagurangnan na saindong Dios mismo an mangengenot saindo asin matunaw kan mga nasyon na nag-eerok duman tanganing masadirihan nindo an saindang daga. Sosog sa itinaram nin Kagurangnan, si Josue an magigin lider nindo.

Deuteronomio 31:5

Itatao sinda nin Kagurangnan saindo, asin gibohon nanggad nindo sainda an gabos na sinabi ko saindo.

Deuteronomio 31:7

Dangan inapod ni Moises si Josue asin sinabihan sa atubang kan bilog na banwaan nin Israel, “Magmaisog ka saka pakosoga an saimong boot; ika an mangengenot sa mga tawong ini sa pagsakop kan daga na ipinanuga nin Kagurangnan sa saindang mga ginikanan.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Deuteronomio 4:5

“Itinukdo ko saindo an gabos na togon asin pagboot, siring sa itinaram sako nin Kagurangnan. Kuyogon nindo iyan duman sa daga na lalaogon nindo asin sasadirihon.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 11:12

Sinakop ni Josue an gabos na syudad na idto asin an saindang mga hade. Ginadan niya an mga tawo duman siring sa ipinagboot ni Moises na sorogoon nin Kagurangnan.

Josue 11:14

Sinamsam kan mga Israelita an mga mahalagang kagamitan saka an mga hayop sa mga syudad na idto para sa sainda. Alagad ginadan ninda an mga tawo; mayo sindang itinadang buhay.

Josue 11:16

Sinakop ni Josue an bilog na daga—an mga syudad sa kabubuldan asin sa kababan, sa amihan saka sa habagat, an bilog na teritoryo kan Gosen, an habagat na parte kan Canaan, sagkod an Kapantayan nin Jordan.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.