Josue 11:11 - Marahay na Bareta Biblia

¹¹ Ginadan kan mga Israelita an mga tawo duman; mayo sindang itinadang buhay, dangan sinulo ninda an syudad.

Josue 11:11 ပူးပေါင်းရင်းမြစ်များ

Deuteronomio 20:16

“Alagad sa mga syudad sa dagang itatao saindo nin Kagurangnan na saindong Dios, gadanon nindo an lambang saro.

Deuteronomio 3:7

Sinamsam ta an mga hayop asin mga rogaring.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 6:21

Ginadan ninda an gabos na tawo duman, lalaki saka babae, aki asin gurang. Ginadan man ninda an mga baka, karnero sagkod mga asno.

Josue 6:24

Dangan sinulo ninda an syudad asin an gabos na yaon duman, pwera an mga bagay na gibo sa bulawan, plata, bronse asin lansang na kinua ninda saka ibinugtak sa kaban nin yaman nin Kagurangnan.