Josue 10:8 - Marahay na Bareta Biblia

⁸ Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 10:8 ပူးပေါင်းရင်းမြစ်များ

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 3:2

Alagad nagtaram sako an Kagurangnan, ‘Dai ka matakot saiya; itatao ko siya sa saimong kamot, an saiyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo na nag-erok sa Hesbon.’

Deuteronomio 7:24

An saindang mga hade itatao nin Kagurangnan sa saindong mga kamot. Gagadanon nindo sinda asin malilingawan na sinda. Mayo nin siisay man na makakapugol saindo; gagadanon nindo sinda gabos.

Josue 10:25

Nagsabi si Josue sa mga opisyal, “Dai kamo matakot o manluya. Magmakosog kamo asin magmaisog huli ta arog kaiyan an gigibohon nin Kagurangnan sa gabos nindong kaiwal.”

Josue 10:9

Magdamlag na naglakaw si Josue asin an saiyang mga soldados hale sa Gilgal pasiring sa Gibeon, asin bigla nindang sinalakay an mga Amoreo.

Josue 11:6

Tinaraman nin Kagurangnan si Josue, “Dai ka matakot sainda. Sa siring na oras sa aga, garadan nang itatao ko sinda sa Israel; pipilayan nindo an saindang mga kabayo asin susuloon an saindang mga karwahe.”

Josue 8:1

Tinaraman nin Kagurangnan si Josue, “Darahon mo an gabos mong soldados asin magduman kamo sa Ai. Dai kamo matakot o manluya. Tatawan ko kamo nin kapangganahan laban sa hade kan Ai; mapapasaindo an saiyang mga nasasakopan, syudad asin daga.

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”

Hukom 7:9

Kan bangging idto, pinagbotan nin Kagurangnan si Gideon, “Bumangon ka asin salakayon mo an kampo kan mga Midianita; itinatao ko saimo an kapangganahan.

1 Samuel 17:47

Mahihiling kan gabos na uya digdi na nagliligtas an Kagurangnan bako sa paagi nin espada o garod. Mapanggana siya sa gera, asin ibubugtak niya kamo gabos sa samong mga kamot.”