Josue 10:40 - Marahay na Bareta Biblia

⁴⁰ Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 10:40 ပူးပေါင်းရင်းမြစ်များ

1 Mga Hade 15:29

Tolos na ginaradan ni Baasa an gabos na kaayon sa pamilya ni Jeroboam. Sosog sa itinaram nin Kagurangnan sa paagi kan sorogoon niyang si Ahias na taga Shilo, ginadan niya an gabos na pamilya ni Jeroboam; mayo nin natadang buhay.

Nehemias 9:24

Sinakop ninda an daga nin Canaan; dinaog mo an banwaan na nag-erok duman. An saimong banwaan tinawan mo nin kapangyarihan na gibohon an boot ninda sa mga hade saka mga banwaan nin Canaan.

Salmo 9:17

An kagadanan iyo an padudumanan kan gabos na maraot, kan gabos na nakakalingaw sa Dios.

Exodo 34:12

Dai nanggad kamo makipagtipan sa mga nag-eerok sa dagang dudumanan nindo huli ta iyan an magigin siod nindo.

Mga Bilang 13:17

Kan palakawon na sinda ni Moises, nagsabi siya, “Hale digdi magduman kamo sa amihan pasiring sa habagat na parte kan daga nin Canaan asin magpadagos kamo sa mabulod na daga.

Deuteronomio 1:7

Maghale na kamo asin magpasiring sa mabulod na daga kan mga Amoreo asin sa gabos na rehiyon sa palibot—sa Kapantayan nin Jordan, sa kabubuldan asin mga kababan, sa habagat na parte kan daga nin Canaan, asin sa baybayon kan Mediteraneo. Magduman kamo sa daga nin Canaan, sa Lebanon, sagkod sa dakulang Salog nin Eufrates.

Deuteronomio 2:34

Satuyang sinakop saka rinaot an gabos na banwa; ginadan ta an gabos na lalaki, babae sagkod mga aki. Mayo kitang binuhay maski saro.

Deuteronomio 7:24

An saindang mga hade itatao nin Kagurangnan sa saindong mga kamot. Gagadanon nindo sinda asin malilingawan na sinda. Mayo nin siisay man na makakapugol saindo; gagadanon nindo sinda gabos.

Josue 10:35

Kan aldaw na idto, sinakop ninda an syudad asin ginadan an gabos na yaon duman, siring kan ginibo ninda sa Lakis.

Josue 10:37

asin sinakop. Ginadan ninda an hade asin an gabos na tawo sa syudad siring man an mga nag-eerok sa kataraed na mga banwa. Sinulo ni Josue an syudad, siring kan ginibo niya sa Eglon. Mayo siyang itinadang buhay.

Josue 10:39

Sinakop niya an syudad, an hade asin an gabos na kataraed na banwa. Ginadan ninda an lambang saro. Ginibo ni Josue sa Debir asin sa hade duman an ginibo niya sa Hebron, sa Libna, asin sa saindang mga hade.

Josue 11:16

Sinakop ni Josue an bilog na daga—an mga syudad sa kabubuldan asin sa kababan, sa amihan saka sa habagat, an bilog na teritoryo kan Gosen, an habagat na parte kan Canaan, sagkod an Kapantayan nin Jordan.

Josue 12:8

An dagang idto iyo an kabubuldan, an mga kababan sa solnopan, an Kapantayan nin Jordan, asin an kababan duman, an mga tukadon sa sirangan, sagkod sa habagat na parte kan Canaan. Iyo idto an dagang dating pinag-eerokan kan mga Heteo, Amoreo, Cananeo, Perezeo, Heveo, asin Jebuseo.

Josue 18:21

An mga syudad na itinao sa mga pamilya kan tribu ni Benjamin iyo an Jerico, Bet-hogla, Emek-keziz,

Josue 6:17

Suloon nindo an gabos na yaon diyan bilang sarong atang sa Kagurangnan. An maraot na babae sanang si Rahab asin an mga kaibahan niya sa harong an bubuhayon nindo huli ta tinago niya an satong mga espiya.

Josue 8:2

Gigibohon nindo sa Ai asin sa saiyang hade an ginibo nindo sa Jerico saka sa saiyang hade; alagad ngunyan pwede nindong kuahon an saindang mga pagsadiri asin mga hayop. Mag-andam kamo sa biglang pagsalakay sa syudad hale sa likodan.”

Josue 8:27

Kinurua kan mga Israelita para sa saindang sadiri an mga hayop saka an mga rogaring na sinamsam ninda sa Ai siring sa itinaram nin Kagurangnan ki Josue.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.