Josue 10:32 - Marahay na Bareta Biblia

³² Itinao nin Kagurangnan sa mga Israelita an kapangganahan laban sa Lakis sa ikaduwang aldaw kan ralaban. Ginaradan man kan mga Israelita an mga tawo duman siring kan ginibo ninda sa Libna.

Josue 10:32 ပူးပေါင်းရင်းမြစ်များ

Exodo 17:13

Huli kaini, nadaog ni Josue an mga Amalekita.

Isaias 37:8

Naaraman kan opisyal na taga Asiria na nasa Lakis an emperador asin linalabanan an haraning syudad nin Libna; kaya nagduman siya tanganing makihumapot saiya.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Josue 10:28

Kan aldaw na idto, sinalakay asin sinakop ni Josue an Makkeda asin an hade duman. Ginadan niya an gabos na nasa syudad; mayo siyang itinadang buhay. Ginibo niya sa hade kan Makkeda an ginibo niya sa hade kan Jerico.

Josue 10:31

Paghale sa Libna, nagpasiring sa Lakis si Josue asin an saiyang hukbo. Pinalibotan ninda an Lakis asin sinalakay.

Josue 10:33

Uminabot si Hadeng Horam kan Gezer sa pagtabang sa Lakis, alagad siya asin an saiyang hukbo dinaog ni Josue; mayo sainda nin itinadang buhay.

Josue 11:12

Sinakop ni Josue an gabos na syudad na idto asin an saindang mga hade. Ginadan niya an mga tawo duman siring sa ipinagboot ni Moises na sorogoon nin Kagurangnan.