Josue 10:16 - Marahay na Bareta Biblia

¹⁶ Alagad nakadulag an limang hadeng Amoreo asin nagtago sa sarong lungib sa Makkeda.

Josue 10:16 ပူးပေါင်းရင်းမြစ်များ

Salmo 68:12

“Nagdurulag an mga hade asin an saindang mga hukbo!” Sa harong binaranga kan mga babae an mga sinamsam:

Salmo 68:13

mga ladawan nin salampati na patos nin plata, na an mga pakpak nagsisilyab huli ta patos nin purong bulawan. (Tadaw ta an iba saindo nagpawalat sa kulungan nin karnero sa aldaw nin gera?)

Amos 9:2

Maski maggibo sinda nin kalot pasiring sa kinaban kan mga gadan, madadakop ko pa sinda. Maski magsakat sinda sa langit, dadarahon ko sinda sa ibaba.

Mikas 7:17

Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Josue 10:15

Pakatapos kaini, nagbalik si Josue asin an saiyang bilog na hukbo sa kampo duman sa Gilgal.

Josue 10:17

May nakaaram kan pinagtatagoan ninda asin ibinareta ini ki Josue.

Josue 10:5

Nagsararo an limang hadeng Amoreo na iyo an mga hade sa Jerusalem, Hebron, Jarmut, Lakis, asin Eglon. Pinalibotan ninda an Gibeon asin saindang sinalakay.

Kapahayagan 6:15

Dangan an mga hade sa kinaban, an mga darakulang tawo, an mga opisyal kan hukbo, an mga mayaman saka mga mapangyari asin an gabos na iba pang mga tawo, oripon o bako, nagtago sa mga lungib asin sa mga darakulang gapo nin kabukidan.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 24:3

Nakaabot siya sa sarong lungib harani sa nagkapirang laoman nin mga karnero sa may dalan; naglaog siya sa lungib tanganing magkasilyas. Kan panahon na idto, si David asin an saiyang mga kairiba yaon duman nagtatago sa pinakaporong parte kan lungib.

1 Samuel 24:8

Sinunod siya ni David dangan inapod, “Mahal na Hade!” Nagsalingoy si Saul; nagdapa sa daga si David sa pagtaong galang.