Josue 1:8 - Marahay na Bareta Biblia

⁸ Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.

Josue 1:8 ပူးပေါင်းရင်းမြစ်များ

Genesis 24:63

Kan naglalakaw-lakaw siya sa oma sarong banggi, nahiling niya an nagdadangadang na mga kamelyo.

2 Mga Cronica 26:5

Mantang buhay pa an parahatol niya na si Zacarias, maimbod siyang naglingkod sa Kagurangnan asin pinauswag siya nin Dios.

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 119:15

Hohorophoropon ko an saimong mga togon; iisip-isipon ko an saimong mga dalan.

Salmo 119:97

Namomotan kong gayo an saimong katogonan! Iyan an sakong pinaghohorophorop sa bilog na aldaw.

Salmo 119:99

Orog akong may pakasabot ki sa gabos kong maestro, huli ta an saimong mga katukdoan an sakong hinohorophorop.

Salmo 19:14

An mga itinaram nin sakong ngoso asin an kaisipan kan sakong puso maako mo logod, O Kagurangnan, sakuyang pailihan, asin sakuyang paratubos!

Salmo 40:10

An bareta nin kaligtasan dai ko tinago para sa sako lamang; ibinareta ko an saimong pagkamaimbod asin kaligtasan! Dai ko tinago sa katiriponan an danay mong pagkamoot asin pagkamaimbod.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Mateo 12:35

An marahay na tawo, marahay man an gibo huli ta pano nin karahayan an saiyang puso; an maraot na tawo, maraot man an gibo huli ta pano nin karatan an saiyang puso.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Mateo 7:21

“Bako an gabos na nag-aapod sako, ‘Kagurangnan, Kagurangnan,’ makakalaog sa Kahadean nin langit, kundi an mga naggigibo kan kabotan nin sakong Ama na nasa langit.

Mateo 7:24

“An nagdadangog asin nagkukuyog kaining mga itinaram ko nakakaagid sa madonong na tawong nagtugdok kan harong niya sa gapo.

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Juan 13:17

Kun nasasabotan na nindo an mga bagay na ini, paladan kamo kun saindong gibohon.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Deuteronomio 29:8

kinua ta an saindang daga asin satong itinao bilang pamana ki Ruben, ki Gad, sagkod sa kabanga kan tribu ni Manases.

Deuteronomio 29:9

Kaya kuyogon nindo an gabos na tataramon kan tipan na ini, tanganing mag-uswag kamo sa gabos nindong gibo.

Deuteronomio 30:14

Alagad an tataramon nasa saindo; nasa saindong ngoso asin puso tanganing kuyogon nindo.

Deuteronomio 31:11

Basahon nindo ini sa atubang kan bilog na Israel, sa panahon na magtiripon sinda sa pagsamba sa Kagurangnan na saindong Dios duman sa lugar na pagsasambahan.

Deuteronomio 31:24

Isinurat ni Moises an mga Togon nin Dios sa sarong libro; nag-ingat siya na dai malingawan an ano man.

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 8:34

Dangan makosog na binasa ni Josue an bilog na Togon, kaiba an mga bendisyon asin mga maldisyon, sosog sa pakasurat sa libro kan Katogonan.

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.