Josue 1:7 - Marahay na Bareta Biblia

⁷ Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 1:7 ပူးပေါင်းရင်းမြစ်များ

1 Mga Hade 2:2

“Magagadan na ako. Magmakosog asin magpakalalaki ka.

1 Mga Hade 2:3

Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

2 Mga Hade 22:2

Ginibo ni Josias an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

1 Mga Cronica 22:13

Dangan magigin mauswag ka kun kuyogon mo an mga togon asin mga pagboot na itinao nin Kagurangnan ki Moises para sa Israel. Magmakosog ka. Dai ka matakot, ni manluya.

2 Mga Cronica 15:7

Alagad magmaisog kamo! Hare nindo pagpaluyaha an saindong boot huli ta babalosan an gabos nindong gibo.”

2 Mga Cronica 26:5

Mantang buhay pa an parahatol niya na si Zacarias, maimbod siyang naglingkod sa Kagurangnan asin pinauswag siya nin Dios.

An Libro ni Job 1:8

Naghapot giraray an Kagurangnan, “Nanumpongan mo si Job na sakong sorogoon? Mayo nin makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot.”

Salmo 80:19

Kagurangnan, Dios nin mga hukbo, ibalik mo kami; pahilingan samo an saimong pagkaherak, asin kami makakaligtas.

Mga Talinhaga 4:27

Likayan mo an karatan asin magpadagos ka sa matanos na paglakaw. Dai ka magliko sa wala o sa too.

Mga Talinhaga 8:20

Naglalakaw ako sa dalan nin katanosan; sinusunod ko an mga agihan nin hustisya.

Daniel 10:19

Nagsabi siya, “Lalaking namomotan nin marahay, dai ka matakot, mapasaimo an katoninongan; magmakosog ka asin magmaisog.” Pakasabi niya kaini, namatean kong orog akong nagkosog asin nagsabi ako, “Kagurangnan, tarami ako kan sasabihon mo huli ta napakosog mo na ako.”

Mga Bilang 27:23

idinuta niya an saiyang mga kamot sa payo ni Josue asin itinalaga siya bilang saiyang kasalihid sosog sa pagboot nin Kagurangnan.

Deuteronomio 11:8

“Kuyogon nindo an gabos na togon na ipinagboot ko saindo ngunyan, tanganing makabalyo kamo sa salog saka masakop nindo an daga na saindong lalaogon,

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 28:14

Dai nanggad kamo maglapas kan arin man sa mga sinabi ko ngunyan na aldaw, o magsamba saka maglingkod sa mga dios-dios.

Deuteronomio 29:8

kinua ta an saindang daga asin satong itinao bilang pamana ki Ruben, ki Gad, sagkod sa kabanga kan tribu ni Manases.

Deuteronomio 29:9

Kaya kuyogon nindo an gabos na tataramon kan tipan na ini, tanganing mag-uswag kamo sa gabos nindong gibo.

Deuteronomio 31:7

Dangan inapod ni Moises si Josue asin sinabihan sa atubang kan bilog na banwaan nin Israel, “Magmaisog ka saka pakosoga an saimong boot; ika an mangengenot sa mga tawong ini sa pagsakop kan daga na ipinanuga nin Kagurangnan sa saindang mga ginikanan.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Josue 1:1

Pagkagadan ni Moises na sorogoon nin Kagurangnan, tinaraman nin Kagurangnan si Josue, na aki ni Nun asin katabang ni Moises.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 11:15

Pinagbotan nin Kagurangnan an saiyang sorogoon na si Moises asin pinagbotan ni Moises si Josue. Kinuyog ni Josue an gabos na ipinagboot nin Kagurangnan ki Moises.

Josue 23:6

Kaya kuyogon nanggad nindo asin gibohon an gabos na nasusurat sa libro nin Katogonan ni Moises. Dai nindo paglingawan an arin man kaiyan,