Josue 1:6 - Marahay na Bareta Biblia

⁶ Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Josue 1:6 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

2 Samuel 10:12

Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay!”

1 Mga Hade 2:2

“Magagadan na ako. Magmakosog asin magpakalalaki ka.

1 Mga Cronica 22:13

Dangan magigin mauswag ka kun kuyogon mo an mga togon asin mga pagboot na itinao nin Kagurangnan ki Moises para sa Israel. Magmakosog ka. Dai ka matakot, ni manluya.

1 Mga Cronica 28:10

Saboton mo nanggad na pinili ka nin Kagurangnan tanganing magtugdok kan saiyang banal na Templo; pagmakosog asin gibohon mo iyan.”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

2 Mga Cronica 15:7

Alagad magmaisog kamo! Hare nindo pagpaluyaha an saindong boot huli ta babalosan an gabos nindong gibo.”

2 Mga Cronica 20:11

Siring kaini an pagbalos ninda samo—na kami pahaleon sa dagang ini na itinao mo samuya.

2 Mga Cronica 20:7

Ika an samuyang Dios. Kan magdangadang sa dagang ini an Israel na saimong banwaan, pinahale mo an mga nag-eerok digdi asin itinao mo ini sa mga kapagarakian ni Abraham na saimong katood, tanganing masadirihan ninda sagkod pa man.

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Daniel 10:19

Nagsabi siya, “Lalaking namomotan nin marahay, dai ka matakot, mapasaimo an katoninongan; magmakosog ka asin magmaisog.” Pakasabi niya kaini, namatean kong orog akong nagkosog asin nagsabi ako, “Kagurangnan, tarami ako kan sasabihon mo huli ta napakosog mo na ako.”

Hageo 2:4

Alagad dai kamo manluya. Magtrabaho kamo huli ta kaibahan nindo ako.

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.

Mga Bilang 26:53

“Bangaon mo an daga sa mga tribu sosog sa saindang kadakulaan.

Mga Bilang 33:53

Sakopon nindo an daga asin erokan nindo, huli ta itinatao ko iyan saindo bilang pagsadiri.

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Deuteronomio 1:21

Hilinga nindo an daga; lakaw kamo asin sakopon nindo siring sa ipinagboot niya. Dai kamo magduwa-duwa o matakot.’

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 11:8

“Kuyogon nindo an gabos na togon na ipinagboot ko saindo ngunyan, tanganing makabalyo kamo sa salog saka masakop nindo an daga na saindong lalaogon,

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

2 Timoteo 2:1

Aki ko, magin makosog ka huli sa biyaya na yaon ki Cristo Jesus.

Josue 1:18

Gagadanon an siisay man na maglapas kan saimong togon asin magsuhay kan saimong pagboot. Magmaisog ka asin pakosoga an saimong boot!”

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 10:25

Nagsabi si Josue sa mga opisyal, “Dai kamo matakot o manluya. Magmakosog kamo asin magmaisog huli ta arog kaiyan an gigibohon nin Kagurangnan sa gabos nindong kaiwal.”

Josue 13:6

Kabilang digdi an gabos na teritoryo kan mga Sidoneo na nag-eerok sa mabulod na daga sa pagultanan kan Kabukidan nin Lebanon asin Misrefot-maim. Papahaleon ko an mga tawong ini sa pagdangadang kan mga Israelita. Kaipuhan hirason mo an daga sa mga Israelita siring sa ipinagboot kong gibohon mo.

Josue 18:3

Kaya sinabihan ni Josue an mga Israelita, “Sagkod nuarin kamo maghahalat bago nindo laogon asin sakopon an dagang itinao saindo nin Kagurangnan na Dios kan saindong mga ginikanan?

Josue 21:43

Itinao nin Kagurangnan sa Israel an gabos na dagang ipinanuga niya na itatao sa saindang mga ginikanan. Kaya kan masakop ninda ini, duman na sinda nag-erok.

1 Samuel 4:9

Magmaisog kamo, mga Filisteo! Magpakalalaki kamo huli ta tibaad magin mga oripon kita kan mga Hebreyo, siring na sinda nagin mga oripon ta. Magpakalalaki kamo asin lumaban!”