Josue 1:5 - Marahay na Bareta Biblia

⁵ Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 1:5 ပူးပေါင်းရင်းမြစ်များ

Genesis 39:2

Inibahan nin Kagurangnan si Jose kaya nag-uswag siya. Nag-erok si Jose sa harong kan Egipcio niyang kagurangnan,

1 Mga Hade 1:37

Siring na an Kagurangnan nagin kaibahan kan sakong mahal na hade, ibahan man logod niya si Solomon asin gibohon na magin mas mauswag ki sa saimo an saiyang paghahade.”

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 6:13

Maerok ako sa kaibahan kan sakong banwaan na Israel digdi sa Templong ini na ipinapatugdok mo, asin dai ko sinda papabayaan.”

1 Mga Hade 8:57

Ibahan logod kita nin Kagurangnan na satong Dios siring na inibahan niya kaidto an satong mga ginikanan; dai man logod niya kita pagbayaan o pagpabayaan;

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Isaias 42:16

“Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Jeremias 1:8

Dai ka matakot sainda huli ta kaiba mo ako tanganing ingatan ka. Ako, an Kagurangnan, an nagtaram!”

Daniel 11:16

Gigibohon kan nagsalakay na hade nin Siria an anoman na boot niya asin mayo nin masalungat saiya. Matindog siya sa Dagang Panuga asin an gabos na iyan mapapasairarom sa saiyang kapangyarihan.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Roma 8:37

Dai! An gabos na ini madadaog ta huli ki Cristo, na namoot sato!

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Deuteronomio 20:4

Iibahan kamo nin Kagurangnan na saindong Dios asin tatawan niya kamo nin kapangganahan.’

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Deuteronomio 4:31

An Kagurangnan sarong Dios na maheherakon. Dai niya kamo papabayaan o gagadanon; dai niya lilingawan an tipan na sinumpaan niya sa saindong mga ginikanan.

Deuteronomio 7:24

An saindang mga hade itatao nin Kagurangnan sa saindong mga kamot. Gagadanon nindo sinda asin malilingawan na sinda. Mayo nin siisay man na makakapugol saindo; gagadanon nindo sinda gabos.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Josue 1:17

Kukuyogon mi ika siring na kinuyog nyamo si Moises, asin ibahan ka logod nin Kagurangnan na saimong Dios siring na inibahan niya si Moises!

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 21:44

Tinawan sinda nin Kagurangnan nin katoninongan sa bilog na daga, siring sa ipinanuga niya sa saindang mga ginikanan. Dai sinda nadaog kan arin man sa saindang mga kaiwal, huli ta pinapanggana sinda nin Kagurangnan.

Josue 3:7

Nagtaram an Kagurangnan ki Josue, “Huli sa gigibohon ko ngunyan, an mga Israelita mapoon sa pagmidbid saimo bilang dakulang tawo, asin maaaraman ninda na kaibahan mo ako siring na inibahan ko si Moises kaidto.

Josue 6:27

An Kagurangnan danay na kaibahan ni Josue, asin an dangog niya nakalakop sa bilog na daga.

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”

1 Samuel 10:7

Kun mangyari an mga tandang ini, gibohon mo an ano man na ipinapasabong saimo nin Dios.