Josue 1:4 - Marahay na Bareta Biblia

⁴ Magpoon sa kalangtadan sa habagat, an saindong pagdolonan makakaabot sagkod sa kabukidan nin Lebanon sa amihan; magpoon sa Salog nin Eufrates sa sirangan pasiring sa daga kan mga Heteo, sagkod sa Dagat nin Mediteraneo sa solnopan.

Josue 1:4 ပူးပေါင်းရင်းမြစ်များ

1 Mga Hade 10:29

Ipinabakal ninda an lambang karwahe sa kantidad na seis syentos na pedaso nin plata asin syento singkwenta an lambang kabayo. An mga karwahe asin mga kabayo ipinabakal ninda sa mga hade kan mga Heteo saka kan mga taga Siria.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Cronica 18:3

Dangan dinaog ni David si Hadadezer na hade nin Zoba, sa lugar pasiring sa Hamat. Pasiring kaidto si Hadadezer sa teritoryo sa may Salog nin Eufrates huli ta boot niyang magtugdok digdi nin monumento.

1 Mga Cronica 5:9

Nagkaigwa sinda nin dakul na hayop duman sa Gilead, kaya nagduman sinda asin nag-erok sa daga sa sirangan kan desyerto na minasagkod sa Salog nin Eufrates.

Esdras 4:20

Mapangyari an mga hade na namayo sa Jerusalem saka sa bilog na probinsya sa ibong kan Salog nin Eufrates, asin nagharagad sinda nin mga buhis.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Deuteronomio 1:7

Maghale na kamo asin magpasiring sa mabulod na daga kan mga Amoreo asin sa gabos na rehiyon sa palibot—sa Kapantayan nin Jordan, sa kabubuldan asin mga kababan, sa habagat na parte kan daga nin Canaan, asin sa baybayon kan Mediteraneo. Magduman kamo sa daga nin Canaan, sa Lebanon, sagkod sa dakulang Salog nin Eufrates.

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.

Deuteronomio 3:25

O Kagurangnan, tugotan mo akong makabalyo sa Salog nin Jordan asin mahiling an matubang na daga duman, an magayon na kabubuldan asin an kabukidan nin Lebanon.’

Kapahayagan 9:14

An tingog nagtaram sa ikaanom na anghel na may trompeta, “Butasan mo an apat na anghel na nagagapos duman sa dakulang Salog nin Eufrates!”