Josue 1:11 - Marahay na Bareta Biblia

¹¹ liboton an bilog na kampo asin sabihan an mga tawo, “Mag-andam kamo nin mga pagkakan, huli ta sa laog nin tolong aldaw mabalyo kamo sa Salog nin Jordan tanganing sakopon an dagang itinatao saindo nin Kagurangnan na saindong Dios.”

Josue 1:11 ပူးပေါင်းရင်းမြစ်များ

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

Exodo 19:11

asin mag-andam sinda sa ikatolong aldaw; huli ta sa aldaw na iyan mahilig ako sa Bukid nin Sinai tanganing mahiling kan mga tawo.

Oseas 6:2

Pakalihis nin duwa o tolong aldaw, bubuhayon niya giraray kita asin mamumuhay kita sa saiyang atubang.

Deuteronomio 11:31

Madali na nindong balyohon an Salog nin Jordan asin sakopon an dagang itinatao saindo nin Kagurangnan na saindong Dios. Kun masadirihan na nindo an daga asin mag-erok na kamo duman,

Deuteronomio 3:18

“Sinabihan ko sinda kaidto, ‘Itinao saindo nin Kagurangnan na satong Dios ining daga tanganing saindong sakopon. Ngunyan tawan nindo nin armas an saindong mga parapakilaban asin ipadara nindo sa ibong kan Jordan, tanganing mangenot sa ibang mga tribu nin Israel asin tabangan sinda sa pagsakop kan saindang daga.

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.

Josue 1:10

Dangan pinagbotan ni Josue an mga lider na

Josue 1:2

“An sorogoon kong si Moises gadan na. Kaya mag-andam na kamo, ika asin an gabos na Israelita, dangan balyohon nindo an Salog nin Jordan pasiring sa daga na itinatao ko sa banwaan nin Israel.

Josue 3:2

Pakalihis nin tolong aldaw naglibot sa kampo an mga lider