Josue 1:1 - Marahay na Bareta Biblia

¹ Pagkagadan ni Moises na sorogoon nin Kagurangnan, tinaraman nin Kagurangnan si Josue, na aki ni Nun asin katabang ni Moises.

Josue 1:1 ပူးပေါင်းရင်းမြစ်များ

1 Mga Hade 19:16

lahidan mo si Jehu na aking lalaki ni Nimsi bilang hade nin Israel, asin lahidan mo si Eliseo na aking lalaki ni Safat na taga Abel-mehola bilang propeta na masalihid saimo.

2 Mga Hade 3:11

Naghapot si Hadeng Jehosafat, “Mayo digdi nin propeta na pwedeng makihumapot sa Kagurangnan para sato?” Sarong opisyal kan hukbo ni Hadeng Joram an nagsimbag, “Yaon digdi si Eliseo na aking lalaki ni Safat. Dati siyang katabang ni Elias.”

Nehemias 8:17

An gabos na nagbalik hale sa pagkatapokan naggibo nin harong-harong dangan nag-erok duman. Dakula an saindang kaogmahan huli ta haloy nang dai sinda naggibo kaini; an huring paggibo ninda iyo kan panahon pa ni Josue na aking lalaki ni Nun.

Exodo 24:13

Kaya nag-andam si Moises saka si Josue na saiyang katabang dangan nagpoon si Moises sa pagtukad sa bukid nin Dios.

Mga Bilang 11:28

Huli kaini, nagsabi si Josue na aki ni Nun, asin katabang ni Moises magpoon kan siya hoben pa, “Kagurangnan kong Moises, paontokon mo sinda!”

Mga Bilang 12:7

Alagad bakong siring an ginigibo ko ki Moises na sakong sorogoon; siya an pinaniwalaan ko kan sakong banwaan.

Mga Bilang 13:16

Sinda an mga espiya na ipinadara ni Moises tanganing magsiyasat kan daga. An ngaran ni Oseas na aki ni Nun rinibayan niya nin Josue.

Lukas 16:10

An maimbod sa dikit na bagay, maimbod man sa dakul; an madaya sa dikit na bagay, madaya man sa dakul.

Mga Gibo 7:45

Minana idto kan satong mga ginikanan, dinara sa daga na kinua ninda sa mga tawong ipinadaog nin Dios sa pangengenot ni Josue. Nagdanay iyan duman sagkod sa panahon ni David

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

Deuteronomio 1:38

Alagad pakosoga an boot kan saimong katabang na si Josue na aki ni Nun. Siya an mangengenot sa Israel sa pagsakop kan daga.’

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Deuteronomio 31:3

An Kagurangnan na saindong Dios mismo an mangengenot saindo asin matunaw kan mga nasyon na nag-eerok duman tanganing masadirihan nindo an saindang daga. Sosog sa itinaram nin Kagurangnan, si Josue an magigin lider nindo.

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.

Deuteronomio 34:12

Mayong ibang propeta na makakagibo kan mga dakula saka makangirhat na mga bagay na ginibo ni Moises sa atubang kan bilog na Israel.

Deuteronomio 34:5

Kaya siring sa itinaram nin Kagurangnan, nagadan duman sa daga nin Moab si Moises, an sorogoon nin Kagurangnan.

Deuteronomio 34:9

Napano nin kadonongan si Josue na aki ni Nun, huli ta siya an pinili ni Moises na magsalihid saiya. Nagkuyog ki Josue an banwaan nin Israel, asin nagsunod kan mga pagboot nin Kagurangnan na itinao sainda huli ki Moises.

Tito 1:1

Surat na hale ki Pablo na sorogoon nin Dios asin apostol ni Jesu-Cristo. Pinili ako saka sinugo tanganing tabangan na magtalubo an pagtubod kan mga tawong pinili nin Dios, asin makasabot sinda kan katotoohan na itinutukdo kan satong relihiyon,

Santiago 1:1

Surat na hale ki Santiago na sorogoon nin Dios asin ni Jesu-Cristong Kagurangnan. Pangongomusta sa doseng tribu na nasa pagkawarak.

Josue 1:15

sagkod na masakop ninda an dagang nasa solnopan kan Jordan, daga na itinatao sainda nin Kagurangnan na saindang Dios. Kun an gabos na tribu nin Israel tawan na kan Kagurangnan nin kapahingaloan, pwede na kamong magbalik digdi asin mag-erok sa daga na nasa sirangan kan Jordan, daga na itinao saindo ni Moises na sorogoon nin Kagurangnan.”

Josue 1:2

“An sorogoon kong si Moises gadan na. Kaya mag-andam na kamo, ika asin an gabos na Israelita, dangan balyohon nindo an Salog nin Jordan pasiring sa daga na itinatao ko sa banwaan nin Israel.

Josue 12:6

An duwang hadeng ini dinaog ni Moises asin kan mga Israelita. An saindang daga itinao ni Moises, na sorogoon nin Kagurangnan, sa mga tribu ni Ruben, ni Gad asin sa kabanga kan tribu ni Manases, bilang pagsadiri ninda.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.