Jonas 3:10 - Marahay na Bareta Biblia

¹⁰ Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:10 ပူးပေါင်းရင်းမြစ်များ

1 Mga Cronica 21:15

Dangan nagsugo siya nin sarong anghel tanganing tunawon an Jerusalem; alagad nagbago siya nin isip asin nagsabi sa anghel, “Ontok! Tama na!” An anghel nin Kagurangnan nagtitindog sa may ginikan ni Arauna na Jebuseo.

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Jeremias 18:7

Kun nagtaram ako sa sarong panahon na sakong gagaboton, ibabagsak o raraoton an arin man na nasyon o kahadean,

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 36:3

tanganing kun madangog kan mga taga Juda an gabos na karatan na boot kong darahon sainda, tibaad magbakle sinda sa mga maraot nindang gawe. Dangan papatawadon ko sinda kan mga karatan asin kasalan ninda.”

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Jonas 4:11

Dai ko man daw dapat na maherakan an Nineve, idtong dakulang syudad, na igwa nin syento beynte mil na inosenteng mga aki, asin dakul na mga hayop?”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Lukas 11:32

Sa Aldaw nin Paghukom matindog an mga taga Nineve asin ipapakondenar an henerasyon na ini, huli ta sinda nagbakle kan maghulit sainda si Jonas. Alagad uya digdi an mas dakula pa ki Jonas!

Lukas 15:20

Kaya naglakaw siya papuli sa saiyang ama. “Harayo pa, natanawan na siya kan ama niya. Naherak nin marahay an saiyang ama, kaya nagdalagan ining nagsabat saiya, kinugos siya saka hinadokan.