Jonas 1:2 - Marahay na Bareta Biblia

² Nagsabi siya, “Magduman ka sa Nineve, idtong dakulang syudad, asin magtaram ka laban sa syudad, huli ta aram ko kun gurano karaot an mga namamanwaan duman.”

Jonas 1:2 ပူးပေါင်းရင်းမြစ်များ

Genesis 10:11

Hale sa dagang ini nagduman siya sa Asiria asin itinugdok an mga syudad nin Nineve, Rehobot-ir, Cala,

2 Mga Hade 19:36

Dangan nagsibog si Emperador Senakerib saka nagbalik sa Nineve.

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

Esdras 9:6

Nagsabi ako, “O Dios, nasosopog ako na iitaas an sakong lalawogon sa atubangan mo, huli ta mas halangkaw an samong mga kasalan ki sa samong mga payo, asin an samong karatan nakakaabot sagkod sa kalangitan.

Isaias 37:37

Dangan nagsibog si Senakerib na emperador nin Asiria asin nagbalik sa Nineve.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Ezekiel 2:7

Itataram mo sainda an boot kong isabi mo sainda, magdangog man sinda o dai, huli ta mga rebelde sinda.

Oseas 7:2

Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Jonas 3:2

Nagsabi siya, “Magduman ka sa Nineve, idtong dakulang syudad, asin ipahayag mo sa mga tawo an mensahe na itinao ko saimo.”

Jonas 3:3

Kaya kinuyog ni Jonas an Kagurangnan asin nagduman siya sa Nineve, na sarong syudad na nangangaipo nin tolong aldaw na paglakaw huli sa kadakulaan.

Jonas 4:11

Dai ko man daw dapat na maherakan an Nineve, idtong dakulang syudad, na igwa nin syento beynte mil na inosenteng mga aki, asin dakul na mga hayop?”

Mikas 3:8

Alagad pinapano ako nin Kagurangnan kan saiyang espiritu, hustisya saka kosog tanganing sabihan an banwaan nin Israel kun ano an saindang kasalan.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Nahum 3:19

Mayo nin bolong para sa saimong namamatean, asin mayong karahayan an saimong mga lugad. Mag-ooropak an mga makadangog kan saimong pagbagsak. May nakaligtas daw sa saimong mayong ontok na kakurihan?

Mateo 10:18

Iaatubang kamo sa mga gobernador asin sa mga hade dahel sako; sa paaging ini makakapagpatotoo kamo dapit kan Marahay na Bareta sa atubang ninda asin kan mga pagano.

Mateo 12:41

Sa Aldaw nin Paghukom matindog an mga taga Nineve saka mahukom saindo, huli ta sinda nagbakle kan maghulit sainda si Jonas; asin uya digdi an mas dakula pa ki Jonas!

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

Kapahayagan 18:5

Huli ta an saiyang mga kasalan tambak na sagkod sa kalangitan, dai malilingawan nin Dios an saiyang karatan.