Jonas 1:15 - Marahay na Bareta Biblia

¹⁵ Dangan binuhat ninda si Jonas asin itinapok sa dagat; tolos na nagkalma ini.

Jonas 1:15 ပူးပေါင်းရင်းမြစ်များ

2 Samuel 21:14

Dangan ilinubong ninda an mga tolang ni Saul asin ni Jonatan sa Zela sa daga ni Benjamin, sa lulubngan ni Kis na ama ni Saul; ginibo ninda an gabos na ipinagboot kan hade. Pakatapos kaini, sinimbag nin Dios an saindang mga pamibi para sa nasyon.

Salmo 107:29

Pinaontok niya an makosog na bagyo, asin nagtoninong an mga alon.

Salmo 65:7

Pinapaontok mo an ribok nin kadagatan, an hagubohob kan mga alon, an karibokan nin mga tawo.

Salmo 89:9

Nasasakopan mo an kosog kan dagat; pinapatoninong mo an anggot kaining mga alon.

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Mateo 8:26

Sinabihan sinda ni Jesus, “Tadaw ta natatakot kamo? Mga maluya an pagtubod!” Nagbangon si Jesus, pinagbotan niyang magkalma an doros saka an alon, dangan nagkaigwa nin dakulang katoninongan.

Lukas 8:24

Kaya dinolok si Jesus kan mga disipulo asin pinukaw, “Kagurangnan! Kagurangnan! Malulunod na kita!” Nagbangon si Jesus saka sinaway an doros pati an makosog na alon; nagkalma an mga ini asin nagkaigwa nin katoninongan.