Joel 3:6 - Marahay na Bareta Biblia

⁶ Dinara man nindo an mga taga Juda saka mga taga Jerusalem harayo sa saindang daga dangan ipinabakal nindo sinda sa mga Griyego.

Joel 3:6 ပူးပေါင်းရင်းမြစ်များ

Ezekiel 27:13

Nakipagnegosyo saimo an Grecia, Tubal, asin Mesek. An mga produkto mo rinibayan ninda nin mga oripon saka mga kagamitan na gibo sa bronse.

Joel 3:3

Nagripa sinda tanganing aramon kun kiisay mapapaduman an mga bihag. Ipinabakal ninda bilang mga oripon an hoben pang mga lalaki saka mga babae tanganing magkaigwa nin pambayad para sa maraot na mga babae saka arak.

Joel 3:8

Itutugot kong ipabakal man an saindong mga aking lalaki saka mga babae sa mga taga Juda; ini an mapabakal sainda sa mga Sabeo, sa sarong nasyon na harayo nin marahay. Ako, an Kagurangnan, an nagtaram.

Zacarias 9:13

An Juda gagamiton ko siring sa pana nin sarong soldados, asin an Israel arog sa mga bosog. An mga lalaki nin Sion gagamiton ko siring sa sarong espada, tanganing labanan an kalalakihan nin Grecia.”

Deuteronomio 28:32

Sa atubang nindo, itatao sa mga dayuhan an saindong mga aking lalaki saka babae, alagad mayo kamong magiginibo tanganing tabangan sinda. Aroaldaw mapapagal an saindong mga mata sa paghalat sainda alagad dai sinda mabalik.

Deuteronomio 28:68

Lunad nin mga barko, ibabalik kamo nin Kagurangnan sa Egipto, maski ngani nangako na siya na dai na kamo ibabalik duman. Ipapabakal nindo duman sa saindong mga kaiwal an saindong sadiri bilang mga oripon alagad mayo nin mabakal saindo.”