Joel 3:19 - Marahay na Bareta Biblia

¹⁹ “An Egipto magigin sarong desyerto, asin mayo nang mag-eerok sa Edom, huli ta sinalakay ninda an daga nin Juda asin ginaradan an mga tawong mayo nin sala.

Joel 3:19 ပူးပေါင်းရင်းမြစ်များ

Salmo 137:7

Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 11:15

Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Jeremias 49:17

Nagtaram an Kagurangnan, “Makangirhat an karatan na maabot sa Edom kaya mamomongnan saka matitikbahan an lambang mag-agi duman.

Jeremias 51:35

Tugote nindong sabihan kan mga taga Sion, “Magbayad logod an Babilonia huli kan kadahasan na ginibo niya sato.’ Tugote nindong sabihan kan mga taga Jerusalem, “Magbayad logod an Babilonia huli kan tinios nyamo!”

Mga Panambitan 4:21

Mga taga Edom asin Uz, mag-ogma kamo asin maggayagaya; alagad maabot man saindo an kasakitan; huba man kamong magsasayasay sa kasosopgan.

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Zacarias 10:10

Ibabalik ko sinda hale sa Egipto asin sa Asiria dangan ibubugtak sa sadiri nindang daga. Papaerokon ko sinda sa Gilead asin sa Lebanon; an bilog na daga mapapano nin tawo.

2 Tesalonica 1:6

Gigibohon nin Dios an tama; papasakitan niya an mga nagpapasakit saindo.