Joel 3:10 - Marahay na Bareta Biblia

¹⁰ Pulpoga an poro kan saindong mga arado tanganing magin mga espada asin an saindong mga pantakras na kutsilyo tanganing magin mga garod. Maski an mga maluya kaipuhan makilaban.

Joel 3:10 ပူးပေါင်းရင်းမြစ်များ

2 Mga Cronica 25:8

Alagad kun sa paghona mo magigin makosog ka sa gera sa paaging ini, itatao ka nin Dios sa kamot kan saimong mga kaiwal, huli ta an Dios igwa nin kapangyarihan sa pagtao nin kadaogan o kapangganahan.”

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Mikas 4:3

Siya an mahukom sa mga tawo, sa mapangyaring mga nasyon harani man o harayo. Pupulpogon ninda an saindang mga espada tanganing magin mga arado asin an saindang mga garod tanganing magin mga pantakras na kutsilyo. Dai na nanggad sinda mag-aandam para sa pakikilaban.

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Lukas 13:12

Pagkahiling saiya ni Jesus, inapod siya saka sinabihan, “Babae, ligtas ka na sa helang mo!”

Lukas 22:36

Nagsabi si Jesus, “Alagad ngunyan, an siisay man saindo na igwa nin pitaka o bag dapat na magdara kaiyan; an mayo nin espada dapat ipabakal an gubing niya tanganing bumakal nin espada.